Liga e Parë në Maqedoninë e Veriut, të gjitha ndeshjet e kësaj jave do të luhen të dielën
Ndeshjet e javës së XXVI-të në Ligën e Parë të futbollit të Maqedonisë së Veriut do të luhen këtë diele duke filluar prej orës 15:00, transmeton Portalb.mk. Derbi lokal do të luhet ndërmjet Besës së Dobërdollit dhe Gostivarit. Shkëndija do të jetë mysafir i Tikveshit. Struga do të pret Pelisterin, Shkupi Rabotniçkin, ndërsa Voska Sport […]
Ndeshjet e javës së XXVI-të në Ligën e Parë të futbollit të Maqedonisë së Veriut do të luhen këtë diele duke filluar prej orës 15:00, transmeton Portalb.mk.
Derbi lokal do të luhet ndërmjet Besës së Dobërdollit dhe Gostivarit. Shkëndija do të jetë mysafir i Tikveshit.
Struga do të pret Pelisterin, Shkupi Rabotniçkin, ndërsa Voska Sport do të pret Sileksin.
Në të njëjtën kohë do të luhet edhe ndeshja AP Brera – Vardar.
Shkëndija gjendet e vetme në krye të tabelës me 53 pikë, Gostivari e katërta me 44 pikë, Struga 39, Shkupi 32, Voska në vendin e dhjetë me 22 pikë, ndërsa Besa e fundit me 21 pikë.
Ndryshe, në Kupën e Maqedonisë së Veriut në gjysmëfinale janë kualifikuar dy ekipe shqiptare, Struga dhe Shkëndija. Të dy ekipet do të luajnë më 9 prill dhe 23 prill. Gjysmëfinalja tjetër luhet ndërmjet Vardarit dhe AP Brera.
Kampioni i Ligës së Parë në sezonin 2023/24 në Maqedoninë e Veriut u shpall Struga Trim&Lum, pasi në javët e fundit u zhvillua një garë e ngushtë së bashku me Shkëndijën dhe Shkupin. Në garën për fitues në Kupën e Maqedonisë në vitin 2024, Tikveshi ka fituar kundër ekipit të Voska Sportit.
