Llafe gjithandej për opinionisten e Big Brother VIP Kosova, flet për herë të parë Dalina Buzi, si i erdhi ftesa

Ajo ka qenë gjithmonë ndër figurat më të veçanta e më të përfolura të ekranit shqiptar.

Me stilin e saj të drejtpërdrejtë, pyetjet pa dorashka dhe një intuitë mediatike që rrallë shihet, ka ditur t’i “shkundë” skenat e shoëbizit, të zbulojë prapaskena dhe të sjellë lajme që kanë bërë bujë në gjithë hapësirën shqiptare.

Emri i saj është bërë sinonim i profesionalizmit, por edhe i kuriozitetit publik – sepse ajo di gjithmonë diçka që të tjerët ende nuk e kanë zbuluar.

E megjithatë, këtë herë, për herë të rrallë, rolet do të ndahen ndryshe: në vend që të pyesë, ajo do të jetë ajo që do të pyetet.

Dalina Buzi, gazetarja, producentja dhe një nga figurat më të njohura të medias në Shqipëri e Kosovë, është në qendër të vëmendjes për një arsye të re.

Pas shumë vitesh në të cilat ka qenë ajo që ka drejtuar bisedat, që ka marrë rrëfime ekskluzive dhe që ka ndërtuar një reputacion të fortë si një zë kritik e i paanshëm në industrinë e argëtimit, këtë muaj ajo vetë është bërë lajm.

Emisioni “Prive” në Klan Kosova do ta ketë në një format krejt ndryshe nga zakonisht – Dalina nuk do të jetë më ajo që hedh pyetje sfiduese, por ajo që do të duhet t’u përgjigjet atyre.

Prej disa javësh, rrjetet sociale dhe faqet e mediave rozë janë mbushur me lajme, spekulime dhe reagime pas njoftimit se Dalina Buzi i është bashkuar stafit të Big Brother Vip Kosova në rolin e opinionistes.

Ky zhvillim, që u shoqërua me tituj “BOLD” dhe me shumë komente nga publiku, është pritur me kureshtje, por edhe me entuziazëm, pasi për shumëkënd, prania e saj në një format kaq të ndjekur premton debate të forta, analiza të thella dhe një qasje ndryshe nga ajo që jemi mësuar të shohim.

Dalina është njohur për sinqeritetin e saj, për aftësinë për të vënë gishtin mbi plagë dhe për mënyrën se si arrin ta mbajë publikun të përfshirë në çdo temë që trajton.

Në intervistën e saj ekskluzive për “Prive”, ajo do të flasë për herë të parë për këtë hap të ri profesional, për vendimin që e çoi drejt Big Brother Vip Kosova dhe për gjithë diskutimet që kanë lindur rreth këtij roli.

Dalina pritet të rrëfejë gjithashtu prapaskenat e marrëveshjes, pritjet e saj për eksperiencën e re dhe mënyrën se si e sheh këtë angazhim në raport me karrierën e saj shumëvjeçare në media.

Pas një karriere të ndërtuar me shumë kujdes e pasion, Dalina Buzi po hyn në një terren të ri – atë të komentit dhe analizës në një prej reality shoë-ve më të ndjekur në rajon.

Për shumë njerëz, ky është një zhvillim natyral për një figurë që ka ditur gjithmonë të qëndrojë në qendër të debatit publik. Për të tjerë, është një surprizë e madhe që pritet të sjellë një dimension të ri në mënyrën se si publiku shqiptar e përjeton “Big Brother”-in.

E sigurt është se me Dalinën, asgjë nuk mbetet e thjeshtë. Çdo fjalë e saj ngjall diskutim, çdo mendim i saj hap debat, dhe çdo paraqitje e saj sjell diçka të re për të parë e për t’u komentuar.

Kështu që, këtë herë, kur ajo të ulet përballë gazetarëve dhe kamerave për t’u pyetur e jo për të pyetur, publiku ka arsye të forta për të qenë i vëmendshëm.

Sepse Dalina Buzi, si gjithmonë, do të ketë shumë për të thënë – dhe me siguri, edhe kësaj here, do të lërë gjurmë./ORAinfo/