Mickoski – BDI-së: Qytetarët e dinë se manipuloni me tema monoetnike…

E kuptoj nevojën tuaj, personalen tuaj dhe të opsionit politik të cilin e përfaqësoni, dhe si koordinator dhe si funksionar i lartë i një partie politike që në të kaluarën pati fokus kryesor në prokurimet publike, pastaj në një moment kaluat në agjendën e gjelbër, pastaj kaluat në ekologjistë, pastaj prej aty kaluat në energjetikë në fushën e nxjerrjes dhe importit të qymyrit dhe në momente si opsion politik ishit mjaft aktivë në fushën e lojërave të fatit dhe përfundimisht, pasi erdhët në opozitë, u përpoqët të sillni polarizim në një shoqëri multietnike si e jona me tema monoetnike – kështu u përgjigj kryeministri Mickoski në pyetjen e deputetit drejtuar atij nga koordinator i grupit parlamentar të BDI-së, Blerim Bexheti, në seancën e sotme në Kuvend.

Kryeministri Mickoski theksoi se mund ta njohë strategjinë e BDI-së për të hyrë në mosmarrëveshje me VMRO-DPMNE në tema monoetnike, sepse ata vlerësuan se kjo do t’u sillte rezultate pozitive në mikro mjedisin ku ata funksionojnë.

“Nuk emëroj, por me një pjesë të konsiderueshme të krerëve të komunave që vijnë nga opsioni juaj politik, bisedoj dhe vërtet kemi komunikim të shkëlqyer, sepse të gjithë janë të kënaqur me atë që po bën kjo Qeveri, për të gjitha komunat dhe për të gjithë qytetarët. Të gjithë ata thonë se kjo që po bëhet tani për 20 vite sa ishim në pushtet, tanët nuk e kanë bërë. Tani erdhi një Qeveri që nuk i ndan njerëzit sipas etnisë, as sipas partisë dhe as sipas ndonjë lidhjeje tjetër, por qëllimi është të realizojë projekte dhe të punojë për të gjithë qytetarët” – u përgjigj Mickoski.

Kryeministri theksoi se e kupton BDI-në për polarizimin që po krijon, se do të vazhdojnë të hapin tema monoetnike dhe se do të përpiqen të krijojnë konflikt ndër-etnik, por se nuk do t’ia dalin.

“Përqendrohuni në zbatimin e vërtetë për qytetarët, kjo nuk është temë që i godet qytetarët në kokë. Kalon mbi kokë. Besoni. Sepse ata e dinë se manipulohen. Sepse kur të shkojnë në qendrën e qytetit të Shkupit dhe e shohin qendrën tregtare Soravia, atëherë kujtojnë se çfarë fshihet pas kësaj retorike” – theksoi Mickoski.

Kryeministri theksoi se nuk bëhet fjalë për legjitimitet apo jolegjitimitet etnik, por për politikë të zakonshme ditore dhe keqpërdorim të ndjenjave të qytetarëve për të arritur përfitime financiare.

“Si qeveri funksionojmë me një qëllim të vetëm dhe ai është të bëjmë gjithçka që ju nuk e bëtë për më shumë se 20 vjet. Për të mirën e të gjithë qytetarëve, të mundohemi të gjithë ato fshatra të zbrazura që i latë pas, qytetarët që i braktisën në Strumicë, Kërçovë, Shkup, Gostivar, të paktën disa prej tyre t’i kthejmë, sepse ata njerëz e kanë ndjerë se me këtë Qeveri ka një shpresë se do t’ia dalim – tha kryeministri Mickoski dhe shtoi se kjo do të jetë përgjigjja e Qeverisë ndaj politikës destabilizuese të BDI-së.p

The post Mickoski – BDI-së: Qytetarët e dinë se manipuloni me tema monoetnike… appeared first on Flaka, në çdo lajm... .