Aktorja Denise Richards tregon se si ua tha vajzave të saj lajmin se babai i tyre kishte HIV: Ishte shumë e vështirë
Aktorja Denise Richards dhe Charlie Sheen ishin të martuar nga viti 2002 deri në vitin 2006 dhe së bashku kanë dy vajza, Sami (21 vjeçe) dhe Lola (19 vjeçe). Së fundmi, ajo është rikthyer pas në kohe, duke kujtuar momentin e vështirë kur duhej t’u tregonte vajzave të saj se babai i tyre ishte HIV […]

Aktorja Denise Richards dhe Charlie Sheen ishin të martuar nga viti 2002 deri në vitin 2006 dhe së bashku kanë dy vajza, Sami (21 vjeçe) dhe Lola (19 vjeçe).
Së fundmi, ajo është rikthyer pas në kohe, duke kujtuar momentin e vështirë kur duhej t’u tregonte vajzave të saj se babai i tyre ishte HIV pozitiv.
Richards ka një marrëdhënie të hapur me fëmijët e saj, por kur Lola dhe Sami ishin më të vogla, ajo u përpoq t’i mbronte nga thashethemet mbi prindërit e tyre. Megjithatë, në vitin 2015, ajo mbeti e shokuar kur Charlie Sheen e bëri publik në emisionin “Today” faktin që i ishte diagnostikuar HIV (virusi i mungesës së imunitetit te njeriut, i cili mund të shkaktojë AIDS-in).
Deklarata e tij e tronditi pasi ai nuk e kishte lajmëruar më parë. “Do të doja të më kishte paralajmëruar, të më kishte thënë: ‘Hej, do ta bëj publike sot’. E kupton? Sepse lajmi u përhap kudo”, tha Denise në podcastin e Jenna Kramer.
Ajo tregoi se, pas deklaratës së Sheen, u detyrua të merrte vajzat e saj më herët nga shkolla, nga frika se mos e mësonin lajmin nga shokët e klasës. “Më duhej të flisja me to për këtë”, tha aktorja, duke theksuar se ishte një bisedë shumë e vështirë për të bërë.
“Ishte e vështirë t’ua shpjegoja”, pranoi Denise. Ajo shtoi se ky ishte i vetmi rast kur u kishte folur fëmijëve të saj për ndonjë skandal publik që lidhej me të dhe Charlie Sheen. “Zakonisht përpiqem t’i mbroj nga shumë gjëra”, shtoi ajo.
Më herët, në një episod të reality show-t të saj “Denise Richards & Her Wild Things”, aktorja zbuloi se gjatë martesës së tyre, Sheen ishte shumë xheloz dhe nuk e lejonte të komunikonte me ish-të dashurin e saj, Patrick Muldoon.
“Nuk kam folur me Patrick-un gjatë gjithë kohës që isha e martuar me Charlie-n”, tregoi ajo.
Sot, ylli i “Real Housewives of Beverly Hills” është e martuar me Aaron Phypers, me të cilin kurorëzoi dashurinë në vitin 2018. Denise është gjithashtu nënë e një vajze tjetër, Eloise, të cilën e adoptoi në vitin 2011.