“Ndërtesa po shkëlqen nga krenaria”, Ambasada amerikane ndriçohet me flamurin e LGBTQI+

Për “Javën e Krenarisë” që po mbahet në Prishtinë, Ambasada e Shteteve të Bashkuara të Amerikës në Kosovë është ndriçuar me flamurin e komunitetit LGBTQI+.

Përmes një postimi në rrjetin social, “X”, ambasada amerikane ka shkruar se ndërtesa e tyre ka shkëlqyer nga krenaria.

“Ambasada jonë po shkëlqen nga krenaria. Ne e ndriçuam ndërtesën tonë teksa shënuam Javën e Krenarisë mbrëmë në Prishtinë. Ne qëndrojmë me komunitetin LGBTQI+ në mbështetje të dashurisë, diversitetit dhe barazisë për të gjithë”, thuhet në postimin e ambasadës.

Të shtunën në Prishtinë dhjetëra persona marshuan në shënimin e Paradës së tetë të Krenarisë, dedikuar të drejtave të komunitetit LGBTQI+.