Në mesnatë do të ndryshojnë çmimet e derivateve të naftës në RMV

Nga sonte në mesnatë derivatet e naftës do të shiten me çmime të reja më të ulëta. Sipas vendimit të Komisionit Rregullator për Energjetikë (KRRE), benzina BS-95 dhe dizeli ulen për një denar për litër, ndërsa benzina BS-98 lirohet për gjysmë denari, transmeton Portalb.mk.

Kështu, nga mesnata një litër benzinë ​​BS-95 do të shitet për 76 denarë për litër, benzina BS-98 do të kushtojë 78,5 denarë për litër, ndërsa dizeli do të shitet për 71 denarë për litër.

Vaji ekstra i lehtë për amvisëri është liruar për një denar për litër dhe do të shitet për 69,5 denarë për litër.

Me vendim të KRRE-së, mazuti do të rritet për 0,521 denarë për kilogram dhe nga mesnata do të shitet për 45,258 denarë për kilogram.