Nimani: Zhvillimi ekonomik i premtuar nga qeveria aktuale ka rezultuar në stagnim dhe zhgënjim

Artan Nimani, kandidati për deputet  i AAK-së dhe Kryetar i Forumit Intelektual “Europa 2030”, thotë se se sipas të dhënave të FMN-së për vitin 2024, Kosova mbetet ndër vendet më të varfëra.

Sipas tij, ky fakt demanton propagandën e qeverisë Kurti për zhvillim dhe stabilitet ekonomik, transmeton Front Online.

“Zhvillimi imagjinar – Varfëria reale!
Të dhënat e FMN-së për vitin 2024 zbulojnë një realitet tronditës: Kosova mbetet ndër vendet më të varfra të Evropës, e tejkaluar vetëm nga Ukraina, një shtet që po përballet me një luftë shkatërruese. Ky fakt demanton propagandën e qeverisë Kurti për zhvillim dhe stabilitet ekonomik. Mungesa e reformave efektive dhe zbatimi i politikave joadekuate kanë lënë Kosovën në një pozicion të turpshëm në hartën ekonomike të Evropës”, shkroi ai në Facebook.

Sipas Nimanit,” zhvillimi ekonomik i premtuar nga qeveria aktuale ka rezultuar në stagnim dhe zhgënjim”.