Nis ndërtimi i Parkut Urban në Spitallë, kryeministri Rama ndan pamjet dhe prezanton projektin

Kryeministri Edi Rama ka njoftuar ditën e sotme nisjen e punimeve për ndërtimin e Parkut Urban në Spitallë të Durrësit.

Përmes një postimi në rrjetet sociale, Rama ka ndarë pamje nga projekti, ku shkruan se parku do ta kthejë zonën në një hapësirë rekreative në shërbim të qytetarëve.

Sipas kreut të qeverisë, ky park do të ofrojë një mundësi të shkëlqyer për pushim dhe aktivitete në natyrë, duke përmirësuar cilësinë e jetës për banorët dhe vizitorët.

 “Ka nisur puna për ndërtimin e Parkut Urban në Spitallë, Durrës, që do ta kthejë këtë zonë në një hapësirë rekreative në shërbim të qytetarëve, me gjelbërim të shtuar, zonë për këmbësorët, pistë biçikletash, terrene sportive dhe zonë të dedikuar për fëmijë”, shkruan Rama.