Osmani takohet me presidentin e Guineas, flasin për forcimin e pozitës ndërkombëtare të Kosovës

Presidentja e vendit, Vjosa Osmani, është takuar me homologun e saj nga Guinea Bissau, Umaro Sissoco Embalo, në selinë e Kombeve të Bashkuara.

Osmani tha se me Embalon folën për mënyrat për ta rritur bashkëpunimin në dobi të qytetarëve të të dyja vendeve.

“Mundësi e shkëlqyer për të diskutuar mënyra për ta rritur bashkëpunimin në dobi të qytetarëve tanë, si dhe për ta forcuar tutje pozitën ndërkombëtare të Kosovës”, shkroi Osmani.

Tutje, Osmani u shpreh mirënjohëse ndaj Embalos për mbështetjen e palëkundur ndaj Kosovës.