Pa u shkrepur asnjë plumb, momenti kur 2 ushtarë rusë i dorëzohen robotit ushtarak ukrainas (VIDEO)

Imazhi është po aq i vjetër sa vetë lufta, dy ushtarë me duart lart, duke u dorëzuar dhe duke ndjekur me kujdes urdhrat e dhëna nga armiku.

Në këtë rast, megjithatë, ata që arritën kapjen nuk ishin njerëz. Në vend të kësaj, dy ushtarët rusë iu dorëzuan robotëve dhe dronëve tokësorë ukrainas, të cilët kontrolloheshin nga një pilot që ndodhej në një distancë të sigurt, disa kilometra larg vijës së frontit. Mund të thuhet se kjo është e ardhmja e luftës dhe ajo tashmë ka mbërritur.

“Pozicioni u mor pa u qëlluar asnjë e shtënë”, tha për CNN Mykola “Makar” Zinkevich, komandant i njësisë ukrainase që kreu operacionin. Zinkevich shërben në njësinë “NC13” të Brigadës së Tretë Speciale Sulmuese të Ukrainës dhe është përgjegjës për sistemet e sulmit me robotë tokësorë.

Sipas tij, operacioni verën e kaluar, ishte i pari në histori që një pozicion armik u pushtua dhe të burgosurit u morën vetëm duke përdorur robotë dhe dronë, pa pjesëmarrjen e këmbësorisë. Ky pretendim është i vështirë për t’u verifikuar në mënyrë të pavarur, por tregon theksin që Kievi i kushton teknologjisë.

Që atëherë, misionet ku robotët zëvendësojnë ushtarët njerëz janë bërë një dukuri e përditshme për njësinë.

Për vite me radhë, qielli mbi vijat e frontit në Ukrainë ka qenë i mbushur me dronë, të cilët përbëjnë një kërcënim serioz për këmbësorinë. Si rezultat, forcat ukrainase kanë filluar të eksperimentojnë me dronë tokësorë dhe sisteme robotike tokësore. Fillimisht ato u përdorën për evakuimin e të plagosurve dhe furnizime, por tani po përdoren gjithnjë e më shumë edhe për misione sulmuese.

Dronët tokësorë janë më të vështirë për t’u zbuluar dhe kapur sesa automjetet më të mëdha ushtarake. Krahasuar me dronët ajrorë, ata mund të operojnë në kushte të ndryshme moti dhe të mbajnë ngarkesa më të mëdha, si dhe kanë qëndrueshmëri dhe jetëgjatësi më të madhe baterie.

Në fund të vitit të kaluar, Korpusi i Tretë i Ushtrisë, ku përfshihet Brigada e Tretë Speciale Sulmuese, njoftoi se një robot tokësor i pajisur me mitraloz arriti të mbajë larg një avancim rus për 45 ditë.

“Ne duhet ta kuptojmë se nuk do të kemi kurrë më shumë ushtarë ose epërsi numerike ndaj armikut”, tha Zinkevich, duke theksuar madhësinë më të madhe të ushtrisë ruse. “Prandaj, ne duhet ta arrijmë këtë avantazh përmes teknologjisë”.

Sipas tij, qëllimi është të zëvendësohet një e treta e këmbësorisë me dronë dhe sisteme robotike këtë vit.

Mbi 22,000 misione në tre muaj

Presidenti ukrainas Volodymyr Zelensky tha këtë javë se dronët dhe robotët kanë kryer më shumë se 22,000 misione vetëm në tre muajt e fundit.

“Jetët u shpëtuan më shumë se 22,000 herë kur një robot hyri në zonat më të rrezikshme në vend të një ushtari”, tha ai në një fjalim për sukseset e teknologjisë së mbrojtjes ukrainase.

Robert Tolast, ekspert i luftës tokësore në Royal United Services Institute (RUSI), tha se zhvillimet e reja në Ukrainë “do të nxisin një debat të nxehtë nëse këta robotë janë e ardhmja e luftës”.

Ai shtoi se dronët tokësorë kanë kufizime në mbajtjen e terrenit, por tashmë po përdoren për evakuim, furnizim, pastrim minash dhe gjithnjë e më shumë në luftime.

Sipas tij, edhe NATO mund t’i adoptojë këto sisteme në të ardhmen.

Supremacia globale e dronëve

Më shumë se katër vjet luftë kanë bërë që Ukraina të kthehet në një nga liderët globalë në dronë dhe sisteme robotike luftarake.

Ministri Mykhailo Fedorov, më parë përgjegjës për transformimin digjital, ka udhëhequr programet e dronëve dhe tani ka paraqitur një plan lufte të bazuar në teknologji dhe të dhëna.

Sipas planit, synohet që sistemet robotike tokësore të marrin një pjesë të madhe të logjistikës në vijën e frontit dhe të krijohet një “zonë de-eskalimi” prej 15–20 kilometrash ku dronët dhe robotët veprojnë vazhdimisht.

Ministria e Mbrojtjes e Ukrainës ka njoftuar gjithashtu për rreth 1,000 ekipe operatorësh të përfshirë në programet e dronëve.

Zinkevich theksoi se vendimtare është jo shpikja e teknologjisë, por përdorimi i saj në shkallë të gjerë.

Instituti për Studimin e Luftës (Institute for the Study of War (ISW)) ka vlerësuar se epërsia e Ukrainës në dronë ka ndihmuar në ngadalësimin e përparimit rus.

Nga Ukraina në Lindjen e Mesme

Suksesi i Ukrainës në këtë fushë ka tërhequr interes ndërkombëtar, përfshirë edhe vende të Lindjes së Mesme që po kërkojnë teknologji për mbrojtje nga dronët.

Në disa raste, janë përdorur raketa shumë të shtrenjta për të rrëzuar dronë shumë më të lirë, duke rritur interesin për zgjidhjet ukrainase.

Presidenti Volodymyr Zelensky ka zhvilluar vizita në disa vende të rajonit dhe Evropës për të ofruar ekspertizë ushtarake në këmbim të mbështetjes me municione dhe sisteme mbrojtëse.

Në të njëjtën kohë, Ukraina po zhvillon edhe përdorimin e inteligjencës artificiale në sistemet pa pilot, megjithëse disa ekspertë mbeten skeptikë për autonominë e plotë të tyre.

Zinkevich tha se vendimi përfundimtar duhet të mbetet gjithmonë njerëzor, duke ngritur shqetësime për besueshmërinë dhe rrezikun e sistemeve plotësisht autonome.

Megjithatë, ai pranon se zhvillimi teknologjik në katër vitet e fundit ka qenë i jashtëzakonshëm.

“Kur e dëgjoj veten duke folur kështu sot, duket si fantashkencë. Por tani kjo është realitet”, tha ai.

Russian troops surrendered to robots. Drones and ground bots took a Russian position without infantry and without losses on Ukraine’s side — Telegraph.

Zelenskyy: For the first time in the history of this war, an enemy position was taken exclusively by unmanned systems. 1/ pic.twitter.com/uljNsMWILO

— Tymofiy Mylovanov (@Mylovanov) April 15, 2026

Reports that #Ukraine has just made the first capture of a Russian position using only ground/aerial drones are inaccurate.

Already in 2025, a unit from 3rd Assault Brigade forced Russian soldiers to surrender using only robots & drones

We met them: https://t.co/F7dO6kfk6J https://t.co/3XIMBqdJ5h pic.twitter.com/fjvVPMAX2c

— Ibrahim Naber (@IbraNaber) April 14, 2026

The post Pa u shkrepur asnjë plumb, momenti kur 2 ushtarë rusë i dorëzohen robotit ushtarak ukrainas (VIDEO) appeared first on InfoShqip.com.