Padi penale kundër dy punonjëseve për punë administrative në Kumanovë, lëshuan dokument të rremë udhëtimi

SPB Kumanovë ngriti kallëzim penal kundër M.A. (43) nga Kumanova dhe M.I. (41) nga fshati Likovë, Komuna e Likovës, për shkak të ekzistencës së bazave të dyshimit se kanë kryer veprën penale “kryerje e pakujdesshme e detyrave zyrtare” sipas nenit 353-c të Kodit Penal. Përkatësisht, ata lëshuan dokument të rremë udhëtimi, transmeton Portalb.mk.

M.A. – e punësuar në pozicionin e referent më  ri për punë administrative në Departamentin e Çështjeve Administrative në Kumanovë, më 30.08.2017 ka marrë një kërkesë për lëshimin e një dokumenti udhëtimi të paraqitur nga H.J. (50) nga Kosova, pas së cilës në sistem, në seksionin e detyrueshëm për plotësimin e një letërnjoftimi të vlefshëm ose dokumenti tjetër publik të vlefshëm, ajo ka shënuar vetëm tarifën në kolonë, pa asnjë të dhënë personale.

Pastaj, ajo bëri fotografi për lëshimin e një dokumenti udhëtimi për personin H.J. (50) nga Kosova pa dokument identifikimi të vlefshëm personal të bashkangjitur, duke futur dhe përdorur të dhënat e identitetit nga një person tjetër, duke i mundësuar kështu atij të marrë dokument identiteti dhe udhëtimi të rremë nga Republika e Maqedonisë.

Ndërkohë, e pandehura e dytë, M.I., e punësuar si këshilltare më e re për çështje administrative në Departamentin për Çështje Administrative në Kumanovë, nuk ushtroi mbikëqyrjen e duhur dhe në këtë mënyrë shkeli rregulloret ligjore për lëshimin e një dokumenti udhëtimi. Më 30.08.2017, ajo miratoi kërkesën për përgatitjen e një dokumenti udhëtimi për personin H.J. me të dhëna identiteti të futura të një personi tjetër.