Paisja e sofistikuar qëndron në bodrume, qytetarët “rrjepen” me faturat për rrymën?!

Ministrja për Energjetikë, Xehtari dhe Lëndë Minerale, Sanja Bozhinovska ka kërkuar që në afat sa më të shkurtër, Byroja për Metrologji ta vendos në funksion pajisjen e sofistikuar për testimin dhe verifikimin e orëmatësve, e cila për shkak të papërgjegjësisë ka mbetur e pashfrytëzuar.

Bëhet fjalë për maqinën – sistem me tri faza për matjen e energjisë elektrike dhe fuqisë, e cila më shumë se 7 vite qëndron e papërdorur në bodrumin e Byrosë.

Me vënien në funksion të kësaj pajisjeje, qëllimi përfundimtar, është që krahas verifikimit të orëmatësve, të shqyrtohet nëse janë në rregull, për të cilën Ministrja Bozhinovska insiston të zbatohet për shkak të ankesave dhe kërkesave të shumta të qytetarëve.

Nga Byroja për Metrologji kanë siguruar se shumë shpejt do të shpallet tenderi për verifikimin e funksionalitetit, instalimit dhe vënien në përdorim të pajisjes si dhe do të trajnohen punonjësit për të nis kontrolli I orëmatësve të rrymës elektrike.

Me këtë masë, qytetarët do të kenë mundësi që në mënyrë të pavarur të kontrollohet saktësia e orëmatësve, drejtpërdrejt në institucion shtetëror.

Njëkohësisht, kjo do të jetë edhe një mekanizëm shtesë për kontrollin e kompanive që instalojnë dhe mirëmbajnë orëmatësit, me çka do të sigurohet drejtësi më të madhe në faturimin e rrymës së harxhuar dhe do të zvogëlojë mundësitë për parregullsi.

Kohëvë të fundit janë mijëra qytetarë që ankohen për faturat enorme të energjisë së harxhuar elektrike. Ato ankohen që faturat janë të larta dhe madje paralajmërojnë protesta kundër EVN-së.

Kryetari i Komisionit Rregullativ për Energji, Marko Bislimovski, tha se çmimi nuk është arsyeja pse një numër i madh i qytetarëve kanë marrë fatura jashtëzakonisht të larta të energjisë elektrike, por se matësit kanë treguar konsum më të madh, gjegjësisht leximi është në pyetje.

Ai shtoi se teknikisht është e pamundur që EVN t’i kontrollojë të gjithë njehsorët, për këtë arsye është parashikuar konsumi. Kryetari i Komisionit Rregullator të Energjisë-së deklaroi se qytetarët që ankohen kanë të drejtë dhe deri tani ankesave të tyre I është përgjigjur pozitivishtë komisoni rregullator dhe EVN tani është e detyruar ti korigjoj faturat e tyre.

Komisioni Rregullator i Energjisë ka apeluar të premten tek EVN Home që të korrigjojë faturat e janarit të rrymës dhe të bëjë ndarjen e duhur sipas blloqeve sipas historikut të konsumit mesatar të amvisërive në tri periudhat e fundit të faturimit.

Faturat e larta të energjisë elektrike, qytetarët ankohen dhe ankesat e tyre pranohen!

Të mllefosur dhe shumë të dëshpëruar qytetarët e vendit shprehin revoltën për faturat e larta të energjisë elektrike të cilat u kanë arritur muajve të fundit. Ata të pakënaqur thonë se paguajnë fatura shumë të larta në krahasim me të ardhurat mujore.

“Ajo që ka bërë furnizuesi universal është se padyshim ka një parashikim të konsumit, ka gabime dhe qytetarët me të drejtë janë të pakënaqur. Këtë vit kemi 99 ankesa, ose më mirë ankesa për faturat e energjisë elektrike. Këto janë situata kur EVN-ja fillimisht u ka thënë qytetarëve se faturat e tyre janë në rregull, kështu që ata janë drejtuar tek ne. Tani kemi filluar të marrim vendime për 10 ditë kemi më shumë se 10 vendime dhe shumica janë pozitive për qytetarët dhe EVN Home është udhëzuar që t’i korrigjojë” – tha Bislimovski.

Gishtin mbi këtë çështje ata ia drejtojnë qeverisë për të cilën thonë se duhet të mendojnë për popullin e varfër që kanë e jo vetëm për xhepat e tyre. Ata madje thonë se ka fatura që janë afër 50.000 denarë, më shumë se 2 paga minimale dhe për të cilat një familje disa anëtarëshe mund të ngelet edhe pa kafshatën e gojës. Flaka Media

The post Paisja e sofistikuar qëndron në bodrume, qytetarët “rrjepen” me faturat për rrymën?! appeared first on Flaka, në çdo lajm... .