Policia kërkon ndihmë në kapjen e istogasit për arratisje të personit të privuar nga liria

Policia ka bërë thirrje për kapjen e Ujkan Metaj nga Shushica e Istogut, i cili kërkohet për veprën penale “Arratisja e personit tё privuar nga liria”.

Në njoftim thuhet se kërkimi për personin në fjalë është me autorizimin e Prokurorisë Themelore nё Pejё.

“Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor”, thuhet në njoftim.

Numrat e telefonit dhe adresat elektronike kontaktuese për të kontaktuar Policinë e Kosovës:

• 192 dhe 080019999 (pa pagesë)
• 039 432 327-Drejtoria Rajonale Pejë
• E-mail adresa: [email protected]