Prokuroria pretendon se në një nga videot, Palevski shihet në timonin e automjetit Renault Kangoo, mbrojtja e tij e mohon
Në seancën e sotme të gjykimit për vrasjet Vanja-Pançe është shfaqur një video në të cilën, siç pretendon Prokuroria, shihen Ljupço Palevski-Palço dhe Velibor Manev duke u kthyer në selinë e Partisë e Djathta me një makinë Renault Kangoo pas vrasjes së Vanja Gjorçevskës, vajzës 14 vjeçare dhe Pançe Zhezovskit nga Velesi. Regjistrimi i paraqitur […]
Në seancën e sotme të gjykimit për vrasjet Vanja-Pançe është shfaqur një video në të cilën, siç pretendon Prokuroria, shihen Ljupço Palevski-Palço dhe Velibor Manev duke u kthyer në selinë e Partisë e Djathta me një makinë Renault Kangoo pas vrasjes së Vanja Gjorçevskës, vajzës 14 vjeçare dhe Pançe Zhezovskit nga Velesi. Regjistrimi i paraqitur nga ekipi i akuzës është nga sistemi “Qytet i sigurt” dhe është realizuar në bulevardin “Hristijan Todorovski-Karposh” drejt Bit Pazarit, transmeton Portalb.mk.
“Video 2, lokacioni bulevardi ‘Hristijan Todorovski-Karposh’ në orën 09:50 shihet se si “Reno Kangoo” po lëviz nga Çairi në Bit Pazar. Shihet se si veturën e drejton Ljupço Palevski, ndërsa në sediljen e pasagjerit është Velibor Manev, i cili ka veshur një xhup. Regjistrimi është SK 403 UI”, ka thënë një nga prokurorët që ka marrë radhën gjatë paraqitjes së provave të përbëra nga një numër i madh i video-incizimeve.
Kjo është ndoshta prova e parë materiale e vënë në dukje nga Prokuroria, e cila e lidh Palevskin me vrasjen e vajzës.
Materialet që u prezantuan në seancën e sotme i referoheshin lëvizjes së automjeteve Citroen dhe Renault Kangoo mëngjesin kur mbeti e vrarë Vanja, më 27 nëntor 2023. Sipas asaj që treguan dhe sqaruan prokurorët Zhaklina Krstevska-Josifovska dhe Ana Stojkoviq-Dimitrovska, pas rrëmbimit të Vanjës, dy veturat kanë lëvizur njëra pas tjetrës.
Ora e rrëmbimit të vajzës është rreth orës 07:30. Në atë kohë, sipas incizimeve që janë prezantuar sot, “Citroen” është vërejtur nga kamerat e sigurisë së objekteve pranë objektit të saj në rrugën “Naum Naumovski-Borçe”.
Pas kësaj, “Citroen” është kapur nga kamerat e “Qyteti i Sigurt” duke dalë nga bulevardi “Aradhat Partizane” dhe duke u kthyer në drejtim të rrugës “Ruseveltova”. Në automjet, siç tha prokurorja, shihet se përveç shoferit dhe pasagjerit, në sediljet e pasme ndodhet edhe një person tjetër.
Nga “Ruseveltova” më pas kthehet në bulevardin “Ilindenska”, e më pas në bulevardin “8 Shtatori” dhe në orën 07:42 është tek ura pranë hotel “Alexandar Palace”.
Pas kësaj, prokurorët vazhduan me prezantimin e videove nga objektet, kryesisht nga kompanitë për vetura të vjetra në rrugën Vizbeg në Orizarë të Epërme.
Në regjistrimet, siç thanë prokurorët, shihet se “Reno kangu”, në të cilin ndodhet vetëm një person, lëviz i pari dhe “Citroen” e ndjek në një interval kohor prej disa sekondash.
Koha në të cilën ndodh kjo, pra të cilës i referohen këto regjistrime është rreth orës 7:55, pra 7:56 deri në 9:08, në të cilën dy automjetet lëvizin njëra pas tjetrës.
“Tani do të prezantojmë të dhënat që tregojnë automjetet në fjalë pas vrasjes së Vanjas dhe duke lëvizur në drejtimin ku automjetit Citroen i është vënë flaka. Vendndodhja e impiantit të trajtimit nga është video është në fshatin Brazdë. Në orën 09 e 8 minuta e 33 sekonda, në kohë reale, shihet duke kaluar një ‘Renault Kangoo’ e ndjekur nga ‘Citroen’”, thanë prokurorët.
Tashmë në orën 09:21 në regjistrimet e paraqitura në vazhdim, shihet vetëm “Renault Kangoo”, pa “Citroenin”, të cilit ndërkohë i është vënë flaka. Siç thanë prokurorët, shihet nga një incizim i një shtëpie private në fshatin Orizarë e Epërme.
“Në orën 09:36 shihet një tym i zi që ngrihet nga vendi ku iu vu zjarri Citroenit. Në orën 09:39:17 vihet re se si Renault Kangoo po kthehet mbrapa dhe Citroen nuk e ndjek”, deklaroi Prokuroria.
Regjistrimet në vijim kanë të bëjnë me lëvizjen e “Reno kangoo” në të cilën sipas Prokurorisë janë dy persona, përkatësisht Palevski dhe Velibor Manev.
Manev, siç tha prokurori, kishte veshur një xhup gri me një shirit të zi.
Automjeti ecën të njëjtën rrugë përmes Bit Pazarit, përmes kryqëzimit në QT “Mavrovasja” dhe del në bulevardin Kuzman Josifovski – Pitu, gjegjësisht te “Vero Jambo”, ku fiket në selinë e partisë e Djathta.
“Renault kangoo” vërehet duke u fikur dhe duke u kthyer djathtas në drejtim të selisë së Partisë e Djathta në rrugën “Kuzman Josifovski-Pitu”, nga ku ka nisur lëvizjen herët në mëngjes dhe pas kryerjes së veprës penale është kthyer”, thanë nga prokuroris.
Në seancën e sotme u prezantuan incizimet në lidhje me vrasjen e Pançe Zhezovskit, si dhe fotodokumentacioni nga vendi ku është gjetur trupi i tij.
Në ndërkohë, gjykatësi Ivica Stefanovski e largoi nga salla e gjyqit të akuzuarin e parë Palevski. Meqë mikrofoni nuk ishte i ndezur, nuk mund të dëgjohej pse u hoq Palevski.
Pas përfundimit të fotodokumentacionit, gjyqtari e thirri sërish Palevskin dhe e njoftoi me atë që ishte paraqitur.
Palevski dhe mbrojtja e tij kundërshtuan provat e paraqitura. Ata kanë pasur vërejtje se nga incizimet nuk dallohen fytyrat dhe të pretendohet se janë Palevski dhe Velibor Manev.
I akuzuari i parë Palevski kishte vërejtje për kohën e vrasjeve të shënuara në aktakuzë dhe ato që rezultojnë nga regjistrimet e prezantuara sot.
Seanca e radhës është caktuar për të premten (7 shkurt), kur është caktuar të dëshmojë edhe Goce Trajkovski.
Në seancën e kaluar, të caktuar për 27 janar, Ljupço Palevski ka paraqitur kërkesë për përjashtimin e prokurores publike Zhaklina Krstevska dhe të gjithë Prokurorisë në Shkup, me pretendimin se hetimi është kryer në mënyrë jo të duhur. Prandaj, seanca u shty për sot.
Në rrjedhën aktuale të procesit, Prokuroria shpjegoi 180 nga gjithsej 197 prova në Gjykatë. Ato përfshijnë informacione për vendndodhjet ku janë gjetur viktimat, rezultatet e hetimeve nga autoritetet hetimore, gjurmët e gjetura, gjetjet e autopsisë, si dhe raportet nga ekspertët psikiatrikë.
Sipas prokurores Krstevska, obduksioni ka vërtetuar se viktimat janë vrarë nga një e shtënë në kokë nga afërsia, me plumba të kalibrit të njëjtë – 9 milimetra. Vanja nuk u mbyt, që do të thotë se të dy viktimat ishin gjallë në kohën e ekzekutimit. Analiza e ADN-së e shiritit ngjitës të gjetur në gojën e Vanjës tregon për gjurmë të përziera – nga vetë viktima, si dhe me shumë gjasa nga i akuzuari Velibor Manev.
Në seancën e parë të akuzuarit Ljupço Palevski, Bore Videvski, Velibor Manev, Vlatko Keshishov dhe Aleksandar Gjorçevski deklaruan se nuk ndihen fajtorë.
Prokuroria pretendon se grupi kanë planifikuar bashkërisht rrëmbimin e 14-vjeçares Vanja Gjorçevska me qëllim të zhvatjes së parave nga familja e saj e ngushtë. Në të njëjtën kohë, Pançe Zhezovski është kidnapuar në Veles për t’ua dorëzuar automjetin e tij “Citroen”, të cilin të akuzuarit kanë dashur ta përdorin në kidnapimin e vajzës në Shkup.
Gjykimi udhëhiqet nga gjyqtari Ivica Stefanovski, ndërsa prokurorinë e përfaqëson prokurorja publike Zhaklina Krstevska.
Gjykimi për këtë rasti filloi më 20 shtator. Të dyshuar për këtë rast janë edhe Velibor Manev, Vlatko Keshishov, Ljupço Palevski-Palço dhe Aleksandar Gjorçevski, E mitura Vanja Gjorçevska, e cila ishte raportuar e zhdukur më 27 nëntor, u gjet e vdekur në afërsi të Shkupit më 3 dhjetor, kur në afërsi të Velesit u gjet i vdekur edhe Pançe, me origjinë nga Velesi, i cili, nga ana tjetër, u raportua i zhdukur më 24 nëntor. I dyshuari kryesor për vrasjen e Vanja Gjorçevskës dhe Pançe Zhezovskit është Ljupço Palevski-Palço, i cili më 15 maj u ekstradua nga Turqia në vend, ku u gjet dhe u arrestua pas fletarrestit ndërkombëtar të lëshuar nga autoritetet maqedonase përmes Interpolit.
