Reperët Travis Scott dhe Alexander AE Edwards përleshen në Festivalin e Kanës – pamjet bëhen virale

Reperët Travis Scott dhe Alexander AE Edwards janë përleshur në një festë të organizuar pas Festivalit të Filmit në Kanë dhe video po përhapet në rrjetet sociale.

Siç tha një burim për US Weekly, incidenti filloi kur Travis Scott dhe Tyga dolën në skenë në një klub në pronësi të manjatit Richie Akiva.

Ai filloi të lavdëronte Tygan para turmës dhe më pas Travis rrëmbeu mikrofonin e tij, gjë që bëri që AE të përfshihej.

“AE filloi të ofendonte Travisin. Të gjithë miqtë e tyre ishin të pranishëm në skenë. Travis zbriti nga skena dhe u kthye me Southside, i cili filloi të bërtiste ndaj AE”, tha ai.

Ai shtoi se Travis u përpoq të shtynte AE dhe më pas ata filluan të përleshen fizikisht. AE më pas e hodhi Travisin nga skena.

Burimi tha gjithashtu se Tyga ka qenë gjatë gjithë kohës pas tavolinës së DJ-it, por nuk ka ndërhyrë në konfliktin e tyre.

Sigurimi përfundimisht i ndau reperët dhe ata ende nuk kanë komentuar ngjarjen.