Rita Ora shkëlqen në një fustan të tejdukshëm gjatë një nate me miqtë në Londër

Rita Ora tërhoqi vëmendjen mbrëmjen e së premtes teksa darkonte me miqtë në restorantin Dorian në Notting Hill.

Këngëtarja 34-vjeçare u shfaq me një fustan të zi të tejdukshëm dhe të prerë në mënyrë artistike, nën të cilin i dukeshin të brendshmet elegante, duke lënë shumë pak vend për imagjinatë.

Ajo e kompletoi pamjen me çizme të zeza dhe flokë kaçurrela që i binin lehtë mbi supe, ndërsa ecte me vetëbesim pranë miqve të saj, shkruan DailyMail.

Rita dukej në humor të mirë dhe u pa duke u kapur për dore me një nga shokët, ndërsa largoheshin nga restoranti pas një mbrëmjeje të këndshme.

Kjo dalje vjen menjëherë pas paraqitjes së saj në “The Masked Singer” në SHBA, ku Rita mahniti me një veshje xhins për “Boyband Night”.

Ajo ndau fotografitë në Instagram, ndërsa më pas në skenë u zbulua se reperi Method Man ishte fshehur pas maskës së “Stud Muffin”.

Në jetën private, Rita dhe bashkëshorti i saj, regjisori Taika Waititi, janë parë gjithashtu në disa momente romantike së fundmi.

Ata janë martuar në një ceremoni të thjeshtë në Los Angeles në gusht 2022, dhe Rita e cilësoi partnerin e saj si “zemrën e saj”, duke ndarë momente të dashurisë në rrjetet sociale.