Jozi e ofendon sërish rëndë Gjestin

Vetëm pak ditë para finales së Big Brother VIP Albania 4, një situatë e re tensionuese ka tronditur dinamikat brenda shtëpisë dhe ka ndezur debatet në rrjete sociale.

Jozi, i cili më parë ishte eliminuar për një fyerje ndaj Gjestit, është rikthyer sërish në epiqendër pas një tjetër deklarate ofenduese.

Në një video që po qarkullon në rrjet, shihet momenti kur Jozi i drejtohet Gjestit me fjalë fyese. “Ma hëngsh atë që hanë gratë”, dëgjohet duke thënë ai, ndërkohë që Gjesti reagon i irrituar. Jozi vijon më tej duke përsëritur: “Ma hëngsh atë që hanë gratë pas darke”, një koment që ka ngjallur menjëherë reagime të forta.

Kujtojmë se Jozi ishte eliminuar javë më parë për një tjetër fyerje ndaj Gjestit, por produksioni i dha një mundësi të dytë për t’u rikthyer në lojë – vendim që u shoqërua me komente të shumta pro dhe kundër nga ndjekësit e formatit.

Ky incident i fundit ka rikthyer debatet mbi vendimet e produksionit dhe etikat e komunikimit mes banorëve.

Në rrjetet sociale, përdoruesit janë ndarë mes atyre që kërkojnë masa ndëshkuese ndaj Jozi-t dhe të tjerëve që e shohin këtë si një pjesë të “lojës” brenda spektaklit.