Rreth gjysma e turistëve të huaj në Maqedoninë e Veriut erdhën nga një shtet

Në Maqedoninë e Veriut gjatë muajit korrik ka pasur gjithsej 204 336 turistë, ashtu që 118 827 turistë kanë qenë të huaj, transmeton Portalb.mk.

“Në periudhën janar – korrik 2024, krahasuar me të njëjtën periudhë të vitit paraprak, numri i turistëve është rritur për 8.7 %, gjithsej edhe atë: te turistët vendor ka ulje për 0.5 %, ndërsa te turistët e huaj ka rritje për 13.7 %”, raportoi Enti Shtetëror i Statistikave.

Në muajin korrik, nga 118 827 turistë të huaj, 53 296 turistë kanë ardhur nga Turqia, 10 402 nga Serbia, 4 817 nga Holanda, 4 445 nga Polonia dhe të tjerët nga dhjetëra vendet tjera.