Rusia dhe Ukraina kryejnë shkëmbim të burgosurish

Rusia dhe Ukraina kanë kryer një raund tjetër shkëmbimesh të të burgosurve, sipas ministrisë së mbrojtjes së Rusisë.

Thuhet se të dy vendet kanë shkëmbyer nga 146 të burgosur secila pas ndërmjetësimit të Emirateve të Bashkuara Arabe.

Ministria tha se të gjithë rusët e liruar ndodheshin në Bjellorusi duke marrë ndihmë psikologjike dhe mjekësore.

Ukraina gjithashtu ktheu në Moskë tetë shtetas rusë, banorë të rajonit Kursk, tha ministria.