Sejdiu nga VLEN: Kur gjykatat vendosin “pro” BDI-së ishin të mira, kur vendosin kundër “ata janë të kapura”

Gjithmonë kemi pasur dyshime për BDI-në, theksoi Blerim Sejdiu nga koalicioni “VLEN” në debatin e sonte në “Top Tema” në Tv Telma.

“Ne kemi pasur një përvojë të keqe që nga viti 2016, si Lëvizja Besa. Kishim dyshime se ajo përvojë do të përsëritej tani. Nuk e dinim se ku, por ishim të bindur se diku do të përsëritej. Vendvotimi 2101 në Komunën e Zhelinës është ankimuar. Në fund, siç dyshuam, më në fund Gjykata Administrative vendosi përsëritjen e votimit atje. Pra, qytetarëve duhet t’u lihet hapësira për të votuar në mënyrë demokratike dhe të drejtë. Dhe Gjykata Administrative ka marrë vendim se aty ka pasur keqpërdorime”, tha Sejdiu.

“Kur gjykata vendos në favor të interesave partiake, BDI u beson gjykatave, në fund del se ju BDI nuk besim as në gjykata”, tha Sejdiu.