Shkup, reagimet në rrjete sociale alarmuan autoritetet që të gjobitet shoferi, i cili e ka parkuar automjetin në mënyrë të paligjshme

Ministria e Punëve të Brendshme ka njoftuar se është sanksionuar një vozitës, i cili ka parkuar në mënyrë të parregullt automjetin në lagjen e Dibranëve në Shkup. Nga aty kanë njoftuar se kontrolli i brendshëm pranë MPB-së po e heton rastin, transmeton Portalb.mk. “Lidhur me videon në rrjetet sociale në të cilën shihet automjeti i […]

Prill 4, 2025 - 20:00
 0  4
Shkup, reagimet në rrjete sociale alarmuan autoritetet që të gjobitet shoferi, i cili e ka parkuar automjetin në mënyrë të paligjshme

Ministria e Punëve të Brendshme ka njoftuar se është sanksionuar një vozitës, i cili ka parkuar në mënyrë të parregullt automjetin në lagjen e Dibranëve në Shkup. Nga aty kanë njoftuar se kontrolli i brendshëm pranë MPB-së po e heton rastin, transmeton Portalb.mk.

“Lidhur me videon në rrjetet sociale në të cilën shihet automjeti i parkuar në mënyrë të parregullt me targa të Shkupit në lagjen e Dibranëve në Shkup, Ministria e Punëve të Brendshme e informon opinionin se ngjarja konkrete ndodhi më 22.03.2025. Gjegjësisht, automjeti është ngritur nga PKQ, ndërsa nga ana e SPB Shkup janë ndërmarrë masa sipas nenit 63 paragrafi 6 të Ligjit për siguri në komunikacionin rrugor dhe vozitësit të automjetit S.K. i është lëshuar urdhërpagesë. Gjithashtu ju informojmë se automjeti në fjalë nuk është i nëpunësit policor”, thuhet në njoftimin e MPB-së.

Lidhur me veprimin e npunësve policorë gjatë ngritjes së automjetit, tashmë është duke vepruar Departamenti i Kontrollit të Brendshëm, Krimeve Kriminalistike dhe Standardeve Profesionale pranë MPB-së dhe pas mbarimit të procedurës së përgjithshme do të informojmë opinionin në mënyrë adekuate.