Trump telefonon liderët e Kamboxhias dhe Tajlandës do të jenë mirë” pas përshkallëzimit të konfliktit

Presidenti i SHBA-së, Donald Trump, tha të premten se ai mendon që Tajlanda dhe Kamboxhia “do të jenë mirë” pasi ai u përpoq të ndërmjetësonte një përshkallëzim të konfliktit në kufirin e tyre, por udhëheqësi tajlandez vazhdoi të kërkonte një kërkimfalje nga Phnom Penh.

Tajlanda këtë javë e pezulloi një marrëveshje armëpushimi të ndërmjetësuar nga SHBA-ja dhe kërkoi një kërkimfalje mbi pretendimet se Kamboxhia kishte vendosur mina të reja tokësore që plagosën ushtarë tajlandezë, gjë që Kamboxhia e mohon.

Tensionet e gjata lidhur me një kufi të kontestuar mes dy kombeve të Azisë Juglindore shpërthyen në pesë ditë luftime në korrik, kur të paktën 48 persona u vranë dhe rreth 300 mijë u zhvendosën përkohësisht, përpara se Trump dhe kryeministri malajzian, Anwar Ibrahim, të ndërmjetësonin armëpushimin.“Fola me kryeministrat e të dy vendeve dhe ata po ia dalin mirë. Mendoj se do të jenë mirë”, u tha Trump gazetarëve të premten në mbrëmje.Por, kryeministri tajlandez, Anutin Charnvirakul, tha të shtunën se Bangkoku nuk do t’i përmbahej marrëveshjes derisa Kamboxhia të pranonte shkeljen e saj dhe të kërkonte falje për incidentin e fundit.