VLEN: BDI po shembet si kulla prej letre, po sjellim drejtësi

Ka reaguan koalicioni VLEN, pasi Gjykata e Strugës e obligoi Ramiz Merkon që ta dorëzojë pasaportën dhe të paraqitet në Gjykatë një herë në javë.

Nga VLEN thonë se BDI-ja po shembet si kulla prej letre dhe po fundoset, pasi siç thonë nga VLEN, ata e rrënuan shtetin me korrupsion e krim ndërsa sot po përballen me drejtësinë.

“Artani ka ikur, Përparimi është zhdukur, Merko pa pasaportë. BDI-ja non grata po shembet si kulla prej letrash! Ata që për 20 vite rrënuan shtetin me korrupsion e krim, sot po përballen me drejtësinë. Artani ka ikur, Përparimi është zhdukur, Merko pa pasaportë, dhe qelitë po dezinfektohen për t’i pritur të gjithë! Dhurata më e mirë për Vitin e Ri? Një dry i madh për ta mbyllur selinë e një partie që e ktheu korrupsionin në sistem. Tashmë BDI është sinonim i mashtrimit, vjedhjes dhe tradhtisë ndaj popullit shqiptar. Por fundi i tyre ka nisur, arratisjet e tyre janë vetëm dëshmi se askush nuk i shpëton drejtësisë! Ramiz Merko non grata, i njohur te klika e tij si “mbreti” i Strugës, sot po përballet me krimet e tij. Prokuroria, gjykatat dhe MPB-ja që e mbronin dikur, sot nuk e shpëtojnë dot. Qytetarët zgjodhën ndryshimin dhe VLEN po sjell drejtësi! BDI-ja po fundoset! Artani ra i pari, Përparimi e ndoqi, dhe të tjerë do të pasojnë. Mjaft është mjaft! Struga, Tetova, dhe gjithë shqiptarët po e ndiejnë erën e ndryshimit. Merko tashmë po bën gati dy krevate të lirë në qeli, një për Grubin dhe një për Bajramin”, thonë nga VLEN.

The post VLEN: BDI po shembet si kulla prej letre, po sjellim drejtësi appeared first on InfoShqip.com.