Aksident në rrugën Prishtinë-Ferizaj, tre të lënduar

Tre persona janë lënduar në një aksident trafiku që ka ndodhur sot në rrugën Prishtinë-Ferizaj.

Rastin për Front Online e ka konfirmuar zëdhënësja e policisë, Flora Ahmeti.

Ahmeti ka thënë se në aksident kanë qenë të përfshira dy automjete.

“Sot rreth orës 13:20, në rrugën Prishtinë -Ferizaj, ka ndodhur një aksident trafiku, ku janë përfshirë dy automjete. Si pasojë e aksidentit janë lënduar tre persona”, ka deklaruar ajo për Front Online.

Ahmeti ka thënë se me rastin po merret njësiti i trafikut.