Durmishi takon homologen nga RMV: U gëzuam që rruga Prizren-Tetovë është prioritet i qeverisë së re

Ministri i Infrastrukturës, Liburn Aliu, bashkë me zëvendësministrin Hysen Durmishi janë takuar me zëvendësministren e Transportit të Maqedonisë së Veriut, Kaltrina Shaqirin.

Durmishi tha se i ka gëzuar fakti që ndërtimi i rrugës Prizren-Tetovë dhe autostrada Shkup-Bllacë janë ndër prioritetet kryesore të qeverisë së re maqedonase.

“Duke e uruar zëvendësministren për pozitën e saj të re i dëshiruam shumë suksese dhe njëkohësisht i ofruam bashkëpunimin tonë të sinqertë dhe shumë konstruktiv në kuadër të dy ministrive tona”.

“Ditëve në vazhdim priten hapa konkret drejtë realizimit të këtyre projekteve me rëndësi të veçantë për ne”, shkroi Durmishi, transmeton Klankosova.tv.

The post Durmishi takon homologen nga RMV: U gëzuam që rruga Prizren-Tetovë është prioritet i qeverisë së re appeared first on Flaka, në çdo lajm... .