Gjendet një raketahedhës M80 në kufi me Serbinë, policia jep detajet

Policia e Kosovës ka gjetur një raketahedhës të tipit M80 me kalibër 64mm gjatë patrullimit në zonën kufitare me Serbinë. Rastin e ka konfirmuar zëdhënësi i policisë për rajonin e Mitrovicës së Veriut, Veton Elshani. Ai bëri të ditur se fillimisht policia kishte hasur në një qese najloni për të vërejtur më pas se kishte

shkurt 4, 2025 - 02:00

0 1

Gjendet një raketahedhës M80 në kufi me Serbinë, policia jep detajet

Policia e Kosovës ka gjetur një raketahedhës të tipit M80 me kalibër 64mm gjatë patrullimit në zonën kufitare me Serbinë.

Rastin e ka konfirmuar zëdhënësi i policisë për rajonin e Mitrovicës së Veriut, Veton Elshani.

Ai bëri të ditur se fillimisht policia kishte hasur në një qese najloni për të vërejtur më pas se kishte të bënte me një raketahedhës.

“Sot me datën 03.02.2025 rreth orës 16.00 derisa policët ishin në patrullim në zonën kufitare të Zubin Potokut në afërsi të fshatit Kleçkë në lidhje me informacione për rrugë alternative për kontrabandë të mallrave, kanë hasur në një qese najloni ngjyrë e zezë në të cilën mund të kishte diçka të dyshimtë. Pasi ka arrit në vend ngjarje edhe forenzika rajonale kemi vërejt se kemi të bëjmë me një raketahedhës M80 e kalibrit 64mm” tha, Elshani.

Zona ku u gjet raketahedhësi ndodhet shumë afër kufirit me Serbinë.

Deri më tani nuk janë identifikuar të dyshuar ose të arrestuar në lidhje me këtë rast./Telegrafi/