HERA organizon testim falas dhe konfidencial për HIV dhe infeksione të tjera

Asociacioni për edukim shëndetësor HERA, me rastin e Javës evropiane të HIV testimit dhe muajit të shëndetit të meshkujve, organizon testim falas dhe konfidencial për HIV dhe infeksione të tjera të transmetueshme seksuale. Testimi, nën moton “Testoje veten!” Kontrollo veten falas, në mënyrë konfidenciale dhe të sigurt”, do të mund të bëhet nga nesër deri më 23 nëntor në Qendrën Rinore “Dua të di/Sakam da znam” në Vodno, njofton Portalb.mk.

Nga HERA potencojnë se hulumtimet tregojnë se një nga pengesat më të mëdha për ballafaqim me HIV-in është diagnoza e vonuar, për çfarë arsye parandalimi dhe zbulimi i hershëm me HIV-in janë kyçe.

“Me zbulimin e hershëm të HIV-it dhe trajtimit në kohë, tërësisht parandalohet rreziku nga transmetimi i mëtejmë i infeksionit përmes mënyrës seksuale. Terapia antivirusale krahas asaj që u mundëson personave me HIV të jetojnë gjatë dhe në mënyrë cilësore, është parandalim efektiv i HIV-it, për shkak se e zvogëlon virusin në nivel jodetektibil, ndërsa me këtë pamundëson transmetim të mëtejmë”, thonë nga Asociacioni.

Rezultatet janë të besueshme dhe merren për vetëm 20 minuta, ndërsa shërbimet përfshijnë edhe teste për infeksione të tjera të transmetueshme seksuale si sifilis, gonoreja dhe klimadia.

“Nëntori është muaji i kujdesitpër shëndetin e meshkujve dhe për këtë arsye posaçërisht i inkurajojmë djelmoshat dhe burrat aktiv seksual të drejtoh te Qendra Rinore “Dua të di/Sakam da znam” e cila ndodhet në rr.”Elisie Popovski” nr.2, nga 18 deri më 23 nëntor çdo ditë nga ora 15 deri në ora 18 dhe të shtunën nga ora 12 deri në ora 1. Termin për testim falas mund të caktohet në numrin etelefonit 02/ 3176 – 950, ose onlajn https://hera.org.mk/onlajn-zakazuvanje-pregled/“, thonë nga HERA.