Plarent Ndreca del nga SPAK pas 4 orësh, ja çfarë tha deputeti socialist para gazetarëve

Deputeti i Partisë Socialiste, Plarent Ndreca ka lënë pak momente më parë zyrat e SPAK pas rreth 4 orësh, ku u është përgjigjur pyetjeve të prokurorëve dhe hetuesve të BKH. Para gazetarëve, Ndreca është treguar i rezervuar por ka thënë shkurtimisht se do të fliste në kohën e duhur. Ai tha se çështja është nën […]

Nëntor 15, 2024 - 23:00

0 4

Plarent Ndreca del nga SPAK pas 4 orësh, ja çfarë tha deputeti socialist para gazetarëve

Deputeti i Partisë Socialiste, Plarent Ndreca ka lënë pak momente më parë zyrat e SPAK pas rreth 4 orësh, ku u është përgjigjur pyetjeve të prokurorëve dhe hetuesve të BKH.

Para gazetarëve, Ndreca është treguar i rezervuar por ka thënë shkurtimisht se do të fliste në kohën e duhur.

Ai tha se çështja është nën hetim, por kërkoi nga mediat që të mos nxitohen me konkluzionet.

Kujtojmë se deputeti i Partisë Socialiste u mor i pandehur nga Prokuroria e Posaçme më 25 tetor për akuzën e shkeljes së barazisë në tendera.

Bëhet fjalë për një tender në kohën kur Ndreca ishte Sekretar i Përgjithshëm i Ministrisë së Brendshme.

Ka qenë Kontrolli i Lartë i Shtetit që ka bërë një kallëzim për këtë me pretendimin se gjatë një tenderi për rikontruksionin e 4 komisariateve në rang vendi ka pasur abuzime dhe “fryrje” të kostove për komisariatin e Mirditës, Vlorës, Pogradecit dhe atij numër 4 në kryeqytet.