Kica-Xhelili: Kanë humbur mbi 400 pasaporta të mërgimtarëve, paguajnë katërfish më shumë dhe dështojnë

Deputetja e Lidhjes Demokratike të Kosovës, Doarsa Kica-Xhelili, ka bërë të ditur se janë humbur mbi 400 pasaporta të mërgimtarëve.

Sipas saj, 406 pasaporta të mërgimtarëve, 165 letërnjoftime dhe 4 vendime për lirim/fitim shtetësie, nuk dihet as ku janë.

“Humbin 406 pasaporta të mërgimtarëve. 406 pasaporta të mërgimtarëve, 165 letërnjoftime dhe 4 vendime për lirim/fitim shtetësie, nuk dihet as ku janë. Nuk mbrrijnë në kohë.” – ka shkruar Kica-Xhelili.

Ajo tutje ka thënë se Ministria e Punëve të Jashtme ka nënshkruar kontratë me një postë për dërgesa, e cila ishte katërfish me e shtrenjtë dhe prapë dokumentet nuk vijnë në kohë dhe dështojnë.

“Ministria e Punëve të Jashtme, e nënshkruan një kontratë për dërgesa (postë) 4fish më shtrenjtë se aplikuesit tjerë, me procedurë të dyshimtë, PËR KËTË PUNË: Që këto dokumente të vijnë në kohë. Edhepse shteti paguan 4fish më shumë, dështon. Si në gjithçka tjetër! E prej këtyre pastaj të presim njohje e raporte të mirëfillta diplomatike?” – ka shkruar ajo.