Kica Xhelili-VV’së: Ai qytetari që e keni llogaritur analfabet, do t’ua kthejë shuplakë fytyrës.

Deputetja e LDK-së, Doarsa Kica Xhelili ka thënë sot se kjo parti do ta luftojë korrupsionin duke filluar nga partia në pushtet, Vetëvendosje, përcjell Gazeta Express.

Kica-Xhelili tha se LDK-ja është e vetmja parti që është pjesë e EPP-së, apo Partive Popullore Evropiane.

“Na flisni se si ne, LDK, e VETMJA parti politike anëtarë e EPP (partive popullore evropiane) në Kosovë, nuk qenkemi të djathtë. Mbajeni mend: Hakun ky popull ja nxjerr gjithçkaje. Ai qytetari që e keni llogaritur analfabet, do t’ua kthejë shuplakë fytyrës”, shkroi ajo në një postim në “Facebook”.

Postimi i plotë:

Në universin paralel të VV, e majta flet për të djathtën, e zero është baraz me pesë.

Mbajeni mend – KORRUPSIONIN e keni bërë mjet veprimi, por nuk e keni gjatë. KORRUPSIONIN do ta luftojmë ne, duke filluar nga JU, e të tjerë para jush.

E ju në vend se të flisni për:

Mesazhet me Nagipin për tenderë të KEK;

Për 270 milion euro kontrata ndër tavolinë;

Ministren që ndryshon rregulla për kunetër;

Ministra të akuzuar për korrupsion, e deputetë që montojnë procese punësimi;

Milionët e Martinit e dostave tjerë të Albinit;

Na flisni se si ne, LDK, e VETMJA parti politike anëtarë e EPP (partive popullore evropiane) në Kosovë, nuk qenkemi të djathtë.

Mbajeni mend:

Hakun ky popull ja nxjerr gjithçkaje. Ai qytetari që e keni llogaritur analfabet, do t’ua kthejë shuplakë fytyrës.