Kim Kardashian fajëson ish-bashkëshortin e saj Kanye West, për ndarjen nga i dashuri futbollist Odell Beckham Jr

Kim Kardashian e fajëson ish-burri i saj Kanye West për ndarjen e saj nga Odell Beckham Jr – dhe frikësohet se do të ketë vështirësi të gjejë dashurinë përsëri. Ylli 43-vjeçar dhe atleti 31-vjeçar e kanë mbyllur romancën e tyre pas gjashtë muajsh së bashku.

Tani, burimet thonë se Kim është e shqetësuar se jeta e saj – veçanërisht pjesa që Kanye është ende një pjesë e madhe e saj – do t’i largojë njerëzit pasi romancës së fundit i erdhi fundi.

Një burim pranë Kimit tha për The Sun: “Ajo është e trishtuar, sigurisht, sepse ndihet sikur Kanye ka kthyer jetën e tij – dhe të sajën – në një cirk. Është çmenduri tani – çdo ditë Bianca del me një veshje të re të jashtëzakonshme, dhe të gjithë po flasin për të”.

“Unë thjesht mendoj se Odell nuk ishte gati të merrej me dramën dhe të bëhej shënjestër e ndonjë prej shpërthimeve të Kanyet”, shtoi burimi.

I njëjti burim shtoi “Ishin vërtet të interesuar për njëri-tjetrin, por në një pikë, thjesht nuk dukej se ja vlejti. Kim e fajëson sjelljen e Kanyet për këtë – po pyet veten nëse do të gjejë ndonjëherë dikë që mund të merret me ish-të dashurin e saj”.

Kim dhe Odell filluan të takoheshin në shtator dhe u panë të afërt në festën ‘Vanity Fair’ pas ceremonisë “Oscars” më 11 mars. Ata u panë së bashku për herë të parë në ‘Super Bowl’ në Las Vegas në shkurt. Por sipas raportimeve, tani ata kanë ndërprerë marrëdhënien. Kim ishte më parë e martuar me Kanye Westin nga viti 2014 deri në vitin 2021.

Që atëherë, Kanye, i cili ka ribërë martesën, ka qenë në lajmet e ditës shumë herë. Ai më parë i ka vështirësuar gjërat për Kimin kur ajo fillimisht kaloi tutje – dhe ka qenë në lidhje me yllin e “Saturday Night Live”, Pete Davidson, për nëntë muaj. Gjatë romancës së tyre, Kanye e ka kërcënuar furishëm dhe e ka akuzuar aktorin se po përpiqet të “shkatërrojë” familjen e tij.

Muzikanti – i cili ka katër fëmijë me Kimin – madje “ka rrëmbyer dhe ka prerë kokën” e Pete në videoklipin e animuar të këngës së tij “Eazy”. Pete përfundoi duke marrë terapi për traumën, me një burim që tha: “Vëmendja dhe negativiteti që vjen nga Kanye dhe sjelljet e tij janë një shkak për Peten, dhe ai ka pasur nevojë të kërkojë ndihmë psikike”.

Burimi gjithashtu tha se Pete “nuk ka pendesa për takimin me Kimin dhe dëshiron të ketë kontakt me të”.