LDK konfirmohet e para në Junik, kryetari Shehu falenderon votuesit

Kryetari i Komunës së Junikut, Ruzhdi Shehu, ka shpallur fitoren e Lidhjes Demokratike të Kosovës (LDK) në zgjedhjet parlamentare të vitit 2025, duke e konfirmuar partinë si të parën në këtë komunë. Në një postim në rrjetet sociale, Shehu falenderoi të gjithë votuesit, përfshirë ata që jetojnë në Junik dhe ata në mërgatë, për besimin e dhënë ndaj LDK-së. Ai njoftoi se LDK ka fituar me një dallim prej rreth 5% ndaj partisë së dytë.

Shehu gjithashtu falenderoi kryetarin e LDK-së, Lumir Abdixhiku, kryesinë e partisë, forumet rinore dhe të gruas, si dhe të gjitha strukturat e tjera të partisë dhe mbështetësit e LDK-së. Ai theksoi se Komuna e Junikut është për qytetarët dhe se transparenca dhe llogaridhënia për përdorimin e parave publike janë detyrime ligjore, jo opsione.