Qytetarët në RMV po përgatiten për bojkot të marketeve, LSDM fajëson Qeverinë
Në rrjetet sociale në Maqedoninë e Veriut po përhapen thirrje për qytetarët që të premten më 31 janar të përmbahen nga blerja dhe përdorimi i shërbimeve në markete. Qëllimi i kësaj është, siç komentohet në rrjetet sociale, ashtu si kroatët dhe malazezët, të dërgohet mesazhi i pakënaqësisë për rritjen e vazhdueshme të çmimeve të produkteve […]
Në rrjetet sociale në Maqedoninë e Veriut po përhapen thirrje për qytetarët që të premten më 31 janar të përmbahen nga blerja dhe përdorimi i shërbimeve në markete. Qëllimi i kësaj është, siç komentohet në rrjetet sociale, ashtu si kroatët dhe malazezët, të dërgohet mesazhi i pakënaqësisë për rritjen e vazhdueshme të çmimeve të produkteve bazë, transmeton Portalb.mk.
Nga LSDM thonë se kjo do të thotë se trendi nga rajoni për bojkotimin e marketeve është bartur te ne dhe për këtë fajin e kanë Qeveria dhe VMRO-DPMNE-ja dhe direkt Mickoski.
Lidhja Social Demokrate në opozitë, thekson se në muajt e kaluar vazhdimisht kanë ofruar zgjidhje konkrete për problemin e çmimeve.
“Në vend që VMRO-DPMNE të pranojë masat tashmë të dëshmuara me të cilat LSDM luftoi goditjet e çmimeve, ata vendosën ta lënë problemin dhe ta menaxhojnë me shporta të rreme. Rezultatin e shohim sot dhe këta janë qytetarë të varfër, të cilët duhet të zgjedhin se cilin nga produktet bazë të blejnë”, thuhet në deklaratën e partisë opozitare.
Nga atje thonë se pamundësia e kryeministrit Hristijan Mickoski për t’u përballur me rritjen e çmimeve, si dhe fushatat e rrejshme e PR për shporta, kanë bërë që qytetarët të merren vetë me problemin.
Ata i bëjnë thirrje Qeverisë që të pranojë propozimet e tyre dhe të marrë masa për mbrojtjen e qytetarëve në të ardhmen.
Në Kroaci, më 24 janar, u mbajt bojkot i dyqaneve, rrjeteve të marketeve dhe pikave të benzinës për shkak të rritjes së vazhdueshme të çmimeve.
Thirrjet për bojkot të dyqaneve, pikave të karburantit, kafeneve dhe restoranteve të premten (31 janar 2025) po përhapen në mediat sociale në Bosnje dhe Hercegovinë.
