RMV, sot nis pushimi dimëror për nxënësit, mësimi do të vazhdojë më 20 janar
Sot nisin pushimet dimërore për nxënësit e shkollave fillore dhe të mesme. Nxënësit duhet të kthehen në mësim në gjysmëvjetorin e dytë më 20 janar, transmeton Portalb.mk. Ky vit shkollor do të zgjasë deri më 10 qershor, me përjashtim të nxënësve të viteve të fundit të arsimit të mesëm, të cilët do të kenë mësim […]
Sot nisin pushimet dimërore për nxënësit e shkollave fillore dhe të mesme. Nxënësit duhet të kthehen në mësim në gjysmëvjetorin e dytë më 20 janar, transmeton Portalb.mk.
Ky vit shkollor do të zgjasë deri më 10 qershor, me përjashtim të nxënësve të viteve të fundit të arsimit të mesëm, të cilët do të kenë mësim deri më 16 maj. Në gjysmën e dytë të vitit, nxënësit nuk do të kenë pushim pranveror këtë vit, siç ishte viti i kaluar kur viti shkollor u shty deri më 17 qershor.
Lidhur me heqjen e pushimeve pranverore, Ministria e Arsimit dhe Shkencës ka anketuar mësuesit, prindërit dhe nxënësit e klasave të larta këtë vit shkollor. Siç bëhet me dije nga MASh, shumica ka deklaruar se nuk dëshiron pushim pranveror.
Në fillim të vitit të ri shkollor, Ministria e Arsimit tha se do të fillojë për 245 mijë nxënës në shkollat fillore dhe të mesme, numër ky që në shtatë vitet e fundit është ulur me 17 mijë.
