Selena Gomez bën një paraqitje të mrekullueshme në Toronto, pasi zbuloi se nuk mund të ketë shtatzëni të natyrshme

Selena Gomez befasoi, teksa mbërriti në premierën e filmit të saj të ri “Emilia Perez” të hënën, pasi foli për betejat e saj me infertilitet.

Miliarderja 32-vjeçare – e cila zbuloi se shtatzënia nuk është një opsion për të – dukej mahnitëse në tapetin e kuq me një fustan të zi elegant.

“Emilia Perez” është një film komedi kriminale muzikore franceze në gjuhën spanjolle, shkruar dhe drejtuar nga Jacques Audiard, ku gjithashtu luan Zoe Saldana, shkruan DailyMail.

Gomez dukej se ishte e gjitha e buzëqeshur për kamerat kur mbërriti, pavarësisht komenteve të saj që u shfaqën në të njëjtën ditë me premierën.

“Fatkeqësisht nuk mund të kem shtatzëni të natyrshme. Kam shumë probleme mjekësore që do të rrezikonin jetën time dhe të foshnjës. Kjo ishte diçka për të cilën pata pikëllim për një kohë”, tha ajo për Vanity Fair.

Gomez vuan nga Lupusi, një sëmundje autoimune dhe iu nënshtrua transplantit të veshkave në vitin 2017. Përveç kësaj, ajo është në mjekim për të menaxhuar çrregullimin e saj bipolar.