Shmanget tragjedia ajrore, “EasyJet” për pak sa nuk përplaset me një automjet në aeroportin e Prishtinës
Një aeroplan “Airbus A320” i kompanisë “Easyjet” i ka shpëtuar për pak një përplasjeje me një veturë në aeroportin ndërkombëtar të Prishtinës. Automjeti i aeroportit ishte në pistë kur aeroplani u nis për në Gjenevë. Incidenti ka ndodhur më 20 qershor. Kështu thuhet në një deklaratë të publikuar nga Bordi Zviceran për Hetimet e Sigurisë […]
Një aeroplan “Airbus A320” i kompanisë “Easyjet” i ka shpëtuar për pak një përplasjeje me një veturë në aeroportin ndërkombëtar të Prishtinës. Automjeti i aeroportit ishte në pistë kur aeroplani u nis për në Gjenevë.
Incidenti ka ndodhur më 20 qershor. Kështu thuhet në një deklaratë të publikuar nga Bordi Zviceran për Hetimet e Sigurisë (STSB) të premte.
Airbus, me regjistrim zviceran HB-JXF, kishte marrë lejen për t’u ngritur për në pistën 35 pak pas orës 17:00. Ai po shkonte për në Gjenevë. Në të njëjtën kohë, një automjet i aeroportit ishte parkuar në skajin tjetër të pistës.
“Airbus A320 u lirua për ngritje nga pista 35. Në të njëjtën kohë, një makinë që i përkiste aeroportit qëndronte në pistën aktive pranë pragut 17 në skajin lindor të pistës”.
“Pas ngritjes, aeroplani fluturon mbi makinë në një lartësi të mjaftueshme. Ekuipazhi i aeroplanit deklaroi se ata kishin fluturuar mbi makinë me pajisjen e uljes ende të zgjatur”, thuhet në raportin e STSB.
STSB nuk specifikoi se sa njerëz ishin në bordin e aeroplanit në momentin e incidentit. Airbus në fjalë ofron hapësirë për 186 pasagjerë. Komisioni përgjegjës i aviacionit të Kosovës ka hapur një hetim.
