Siljanovska-Davkova: Do të respektoj, por nuk do ta përdor “e Veriut”, Pendarovski tha se është e pamundur në institucionet ndërkombëtare

Kandidatët për kryetare të shtetit Gordana Siljanovska-Davkova, e mbështetura nga VMRO-DPMNE dhe Stevo Pendarovski, i cili ka mbështetjen e LSDM-së, përsëri i përballën argumentet para kamerave televizive, dhe në prag të raundit dytë raundi të zgjedhjeve, kësaj radhe në një debat që mbrëmë u transmetua në TV Telma, transmeton Portalb.mk.

Një nga temat e diskutuara nga të dy kandidatët në prag të raundit të dytë të zgjedhjeve presidenciale më 8 maj ishte Marrëveshja me Bullgarinë, Korniza Negociative dhe ndryshimet kushtetuese që janë kusht për vazhdimin e negociatave për anëtarësim në Bashkimin Evropian (BE).

Në kontekst të kësaj, në debat u shtrua edhe pyetja nëse Siljanovska-Davkova do ta përdor mbiemrin “Verior” nga emri kushtetues i shtetit si presidente e ardhshme dhe cili është qëndrimi i saj në lidhje me emrin Maqedonia e Veriut.

“Do ta respektoj, por nuk do ta përdor”, tha ajo.

Siljanovska-Davkova tha se do ta përdorë Maqedoni dhe në këtë mënyrë nuk shkakton konfuzion.

“Kur thashë që nuk do ta përdor “Veriut”, nuk e kam menduar se do t’i heq bordet para institucioneve dhe para konferencave ndërkombëtare apo në takime dypalëshe etj. Larg asaj. Unë flas për veten time. E drejta për vetëvendosje është gjithashtu një e drejtë personale dhe askush nuk mund t’ju urdhërojë të përdorni diçka që mendja dhe zemra juaj nuk e pranojnë. Unë do ta respektoj, por nuk do ta përdor “Veriut”, do ta përdor Maqedonia dhe kurrë nuk do të krijoj konfuzion sepse nuk do të më duhet të bëj dallim në mes të Republikës së Maqedonisë së jugut. Nuk ka një gjë të tillë. Pra, kur të flas, do të flas Maqedonia, maqedonas, maqedonisht – le të më qëndrojë Maqedonia e Veriut… megjithatë, flas për veten time, kjo pyetje nuk do të mbyllet kurrë”, tha Siljanovska-Davkova.

Duke iu përgjigjur asaj, kundërshtari i saj tha se është e pamundur të mos përdoret emri kushtetues nga foltorja në Kombet e Bashkuara (OKB), në Bashkimin Evropian, NATO dhe institucione të tjera ndërkombëtare dhe se kjo do të çojë në dëbimin e vendit nga Aleanca.

“Kur je president ke të drejtën e një qëndrimi personal, të thuash “Maqedoni e përjetshme”, “Maqedonia përgjithmonë”, atë lloj Maqedonie që dëshiron kur je në cilësi private, në familje. Është e pamundur të jesh në podium në OKB, të jesh në NATO, sepse atje jemi anëtarë, të shkojmë në BE, sepse jemi kandidat negociator, të jemi në Këshillin e Evropës, kudo, kështu që ju si një ekspert mund të thoni çfarë ë doni verblisht. Nuk mundesh, nuk të lënë, Greqia do të dërgojë e para një notë, kushdo tjetër do të dërgojë një notë. Kjo do të thotë bllokadë atje dhe dëbim nga NATO si organizatë, ku mezi kemi hyrë dhe që është shumë e rëndësishme për ne. Përdryshe, këtë e shkruan edhe kundërshtarja në programin e saj”, tha Pendarovski.

Kandidatët për president të shtetit shprehën qëndrime të ndryshme lidhur me ndryshimet kushtetuese, si dhe nëse kanë nisur apo jo negociatat me BE-në.

Sipas Pendarovskit, filluan me mbajtjen e konferencës së parë ndërqeveritare dhe se Korniza negociuese dhe ndryshimi i Kushtetutës nuk shkojnë paralelisht.

“Organi më i lartë politik në Bashkimin Evropian, Këshilli i BE-së, thotë se ky është parakushti politik – ndryshimi i Kushtetutës, dhe korniza është më tej se çfarë do të shkoni konkretisht klaster pas klasteri. Pra, teza nuk mund të qëndrojë – ne nuk jemi kundër Kornizës negociuese evropiane, por jemi kundër ndryshimit të Kushtetutës”, tha kreu aktual i shtetit dhe kandidati për mandatin e dytë.

Siljanovska-Davkova, nga ana tjetër, e pyeti Pendarovskin se si mund të premtojë ndryshimin e Kushtetutës kur nuk është kompetencë e tij, por mund të ndryshohet vetëm me votat e deputetëve në Kuvend dhe, siç tha, “si nuk iu kujtua askujt t’u thoshte atyre të Këshillit, Komisionit Evropian dhe gjithë të tjerëve se kjo shkatërron vlerat themelore të BE-së”.

E pyetur se cili do të ishte mesazhi i saj në takimin e saj të parë me Presidentin e Bullgarisë dhe përfaqësuesit e Unionit, ajo u përgjigj se do t’i kujtonte preambulën e Marrëveshjes për miqësi dhe fqinjësi të mirë, se çdo marrëveshje nuk është e përjetshme dhe mund të të ndryshohet dhe se në Marrëveshje “nuk ka asnjë fjalë të vetme për ndryshimet kushtetuese”.

“Thelbi është mbrojtja e të drejtave të pakicave. Ata janë të mbrojtur këtu. Nuk ka mbrojtje në Bullgari sepse nuk ka asnjë anëtar të vetëm dhe Bullgaria është nënshkruese edhe e Konventës Kornizë për Mbrojtjen e të Drejtave të Minoriteteve edhe e Konventës për gjuhët rajonale dhe të pakicave, por nuk e ka ratifikuar. Pra, ka një kontradiktë midis Traktatit të Miqësisë, i cili është pjesë e Kornizës së Negocimit”, tha Siljanovska-Davkova.

Për përfshirjen e bullgarëve në Kushtetutë, Pendarovski tha se ky është kusht që duhet të plotësohet për vazhdimin e negociatave, të cilat, siç shtoi ai, janë të bllokuara për shkak të qëndrimit të VMRO-DPMNE-së.

“Unë pretendoj se ky kusht nuk e shkatërron, nuk e shkatërron Republikën e Maqedonisë, ashtu siç nuk i shkatërron maqedonasit që flasin gjuhën maqedonase, kështu ruhet i gjithë kodi ynë maqedonas… Nga moria e kërkesave bullgare që drejtpërdrejt sulmuan identitetin maqedonas para tre vitesh dhe me shkrim u dërguan përfaqësuesve më të lartë në Bruksel përmes ambasadorit të tyre, arritëm vetëm në këtë kërkesë të fundit, bullgarët në Kushtetutë, që është një hap i madh përpara, sepse të gjitha sulmet e tjera ishin nga Bullgaria kundër identitetit tonë si maqedonas që flasin gjuhën maqedonase dhe është refuzuar dhe nga Evropa jo vetëm nga ne. Pra, kjo është kërkesa në këtë moment nga Evropa”, tha Pendarovski në duelin televiziv në TV Telma.

Përndryshe, dy kandidatët për president më herët janë përballur me qëndrimet e tyre në debatin televiziv që u transmetua në Tv 21.