Spiropali takohet me kryeministrin maqedonas: Të avancojmë me bashkëpunimin e shkëlqyer dypalësh dhe partneritetin në NATO

Në vijim të vizitës në RMV, Kryeparlamentarja Elisa Spiropali u takua me Kryeministrin Hristijan Mickoski.

Spiropali nënvizoi vullnetin e Shqipërisë për avancimin dhe zgjerimin e marrëdhënieve të shkëlqyera mes dy vendeve dhe kontributin e përbashkët në nxitjen e bashkëpunimit rajonal e ndërkombëtar. “Shqipëria gëzohet për çdo arritje të RMV drejt anëtarësimit në BE-së dhe si partnere në NATO. Të dy vendet tona do të vijojnë të bashkëpunojmë për thellimin e reformave demokratizuese dhe integruese, përafrimin e legjislacionit dhe të politikave me standardet e BE-së si edhe perspektivën euroatlantike të BP.

Shqipëria dhe Maqedonia e Veriut meritojnë anëtarësimin në BE. Të ruhet përfaqësimi i drejtë i shqiptarëve dhe gjuha shqipe; Vendet tona gjenden në zemër të Korridorit VIII, një projekt strategjik dhe një mekanizëm bashkëpunimi, integrimi e sigurie në rajon e më gjerë dhe ne duhet të shfrytëzojmë këtë avantazh. ˝, theksoi znj. Spiropali.

Kryeministri Hristijan Mickoski vlerësoi bashkëpunimin dypalësh me Shqipërinë dhe progresin drejt integrimit europian dhe u shpreh se të dy vendet tona e kanë merituar prej kohësh anëtarësimin në BE. Nuk duhet të ngrihen pengesa artificiale në këtë proces sepse arritjet tona drejt standarteve europiane janë të dukshme dhe të prekshme.

The post Spiropali takohet me kryeministrin maqedonas: Të avancojmë me bashkëpunimin e shkëlqyer dypalësh dhe partneritetin në NATO appeared first on Flaka, në çdo lajm... .