Taravari: Mendoj se ndryshimet kushtetuese do t’i fillojmë nga dhjetori
Mesazhet nga Von der Leyen, të cilat mendoj se duhet të kishin ardhur më herët, janë shumë të qarta. Tjetër gjë është kur vjen personi i parë i KE-së. Mesazhi ishte i qartë, jemi të mirëpritur të fillojmë negociatat, por kushti është që ndryshimet në Kushtetutë t’i bëjmë, shumë legjitime nga kryeministri që kërkon garanci. […]
Mesazhet nga Von der Leyen, të cilat mendoj se duhet të kishin ardhur më herët, janë shumë të qarta. Tjetër gjë është kur vjen personi i parë i KE-së. Mesazhi ishte i qartë, jemi të mirëpritur të fillojmë negociatat, por kushti është që ndryshimet në Kushtetutë t’i bëjmë, shumë legjitime nga kryeministri që kërkon garanci. Na jepen garanci nga viti 2018 dhe 2019, duhen garanci më serioze, deklaroi Arben Taravari në emisionin “Win Win” në televizionin “Telma”.
“Garancitë njëqind për qind, edhe nëse ka, nuk janë të sigurta, mendoj se Maqedonia pas gjithë gabimeve që ka bërë në 30 vitet e fundit, fillimisht me Greqinë, tani me Bullgarinë, Maqedonia meriton një konfirmim nga Brukseli dhe Uashingtoni se asgjë shtesë nuk do të kërkohet, dhe mendoj se e meritojmë pas vitit 2018, të kemi besim 100 për qind në Qeveri. Meqenëse Qeveria është relativisht e qëndrueshme me një shumicë të mirë, nëse do të kishim një Qeveri të qëndrueshme në Bullgari si në Maqedoni, negociatat tashmë do të kishin filluar së bashku me Shqipërinë”, tha Taravari.
“Të jemi plotësisht të sinqertë, problemi nuk është fare nëse bullgarët do të jenë në Kushtetutë, kjo nuk është problem, ne ishim që egjiptianët dhe kroatët të ishin në preambulë. Nuk është kjo pengesë, pengesa është problemi historik midis Bullgarisë dhe Maqedonisë. Dhe është e gjithë kjo që nuk shkon mirë dhe e bën të pamundur zhvillimin e negociatave. Mendoj se pas zgjedhjeve në Bullgari dhe zgjedhjeve në SHBA, mendoj se do të gjendet një zgjidhje që do të jetë një rrugëdalje për Maqedoninë nga ky ngërç. Mendoj se ndryshimet kushtetuese do t’i fillojmë nga dhjetori”, theksoi Taravari.
Ai shtoi se frika më e madhe për të si politikan në zgjedhjet para 24 prillit dhe 8 majit ishte se mos e përsërisim Bukureshtin, mos e përsërisim 2008-ën dhe “tani intuita ime, jam i sigurt se edhe Mickoski është i orientuar nga perëndimi dhe dëshiron të gjejë një zgjidhje dhe është mjaft i interesuar që Maqedonia të mos qëndrojë në grup me BeH dhe Kosovën”.
Ndryshe, dje presidentja e KE-së, Ursua von der Leyen, gjatë një vizite në Shkup tha se Maqedonia e Veriut duhet t’i zbatojë ndryshimet kushtetuese që të mund të ecë përpara në rrugën e saj eurointegruese.
Marrëdhëniet mes dy vendeve fqinje janë përkeqësuar, pasi pas vizitës së fundit të presidentes maqedonase Gordana Siljanovska-Davkova në Sofje, ajo është fotografuar së bashku me kolegun e saj bullgar Rumen Radev pa flamurin maqedonas, por vetëm pranë flamurit të BE-së dhe Bullgarisë.
Kujtojmë se, në raport me Bullgarinë, Maqedonia e Veriut duhet t’i bëj ndryshimet kushtetuese për të ecur përpara në rrugën eurointegruese. Ato nënkuptojnë shtimin e bullgarëve dhe kombeve tjera në Kushtetutë. Kjo vjen si rezultat i asaj që Maqedonia e Veriut pas 17 vitesh me 19 korrik të vitit 2022 filloi bisedimet qasëse me BE-në me mbajtjen e konferencës së parë ndërqeveritare. Megjithatë, negociatat nuk do të fillojnë derisa të bëhen ndryshimet kushtetuese.
