Vaksinat nuk kontribuojnë në problemet e të folurit tek fëmijët e kopshtit

Një postim dezinformon se problemet e të folurit ose vonesa në të folur te fëmijët ishin rezultat i vaksinave si shkaku i vetëm. Përkundrazi, nuk ka asnjë lidhje midis vaksinave dhe problemeve të të folurit tek fëmijët. Një pjesë e problemit me të folurin, sipas logopeditëve mund të jetë ekspozimi i fëmijëve para ekraneve, shkruan Vërtematësi.

Po shqyrtojmë një postim në rrjetin social Facebook ku shkruhet:

Vaksinat janë të vetmet fajtore për këto probleme.

Si pjesë e postimit, një lidhje ndahet nga një artikull me titullin:

Sipas analizave në çerdhet e Prilepit, çdo i dyti fëmijë ka probleme në të folur.

Teksti përmban një deklaratë të logopedit në një kopsht fëmijësh në Prilep, i cili fillimisht thekson se “kanë testuar 500 fëmijë dhe rezultatet janë se çdo i dyti prej tyre ka probleme me të folurin dhe numri i fëmijëve që nuk flasin fare po rritet”. Ndryshe nga se thuhet në postimin që po rishikojmë, logopedja në tekst shpreh mendimin e saj se një nga arsyet e kësaj situate është “screening”, pra fakti që jetojmë në një kohë në të cilën fëmijët janë shumë të ekspozuar ndaj televizorëve, tabletëve dhe telefonave, për këtë arsye ajo apelon që komunikimi mes prindërve dhe fëmijëve të forcohet dhe fëmijët të mos lihen vetëm dhe pa u folur prindërit.

Se nuk ka korrelacion mes vaksinës dhe të folurit, sqaron profesoresha dr.Aleksandra Grozdanova, Koordinatore Kombëtare e Imunizimit.

Shumica e prindërve e vonojnë vaksinën. Ne nuk kemi mospranim klasik, por më shpesh në vend që të pranohet për një vit, pranohet për dy ose tre. Janë disa, le të themi, spekulime mes profesionistëve shëndetësorë, disa prej të cilëve këshillojnë prindërit që ta lënë fëmijën të flasë, të ecë dhe të tjera (e pastaj të vaksinohet etj.). Nuk ka asnjë justifikim shkencor. Përveç kësaj, gjatë asaj periudhe e vendosni fëmijën në rrezik që kur të gjendet në një mjedis ku kemi më shumë fëmijë të pavaksinuar, të ekspozohet ndaj infeksionit të fruthit, tha Prof. Doktoresha Grozdanova. 

Në faqen e UNICEF-it është publikuar video edukative e Dr.Sashko Olumçev, epidemiolog nga Gjevgjelia, e cila shpjegon se si prindërit mund të stimulojnë të folurin dhe zhvillimin e fëmijëve të vegjël. Ai thekson se nuk ka absolutisht asnjë lidhje midis vaksinave dhe autizmit dhe se vonimi i vaksinimit mund të shkaktojë dëme serioze.

Vaksinimet e rregullta për fëmijët janë të sigurta dhe efektive. Ato janë testuar tërësisht dhe provuar se parandalojnë sëmundje të rënda, duke shpëtuar miliona jetë fëmijësh çdo vit. Me vaksinimin e rregullt, fëmijët zhvillojnë mbrojtje afatgjatë – për të pasur një jetë të shëndetshme dhe cilësore, pa pasojat e një fëmijërie të kaluar duke luftuar sëmundjet e parandalueshme. Ata shpëtojnë 2 deri në 3 milionë fëmijë nga sëmundjet e rrezikshme çdo vit.

Shumica e gënjeshtrave rreth vaksinave që shkaktojnë “probleme të të folurit” të supozuara kanë qenë rreth vaksinës MMR që kur u botua një studim i rreeme nga Dr. Andrew Wakefield që pretendonte pikërisht këtë. Studimi u tërhoq, Wakefield humbi licencën, por pasojat nga dezinformata u deshën vite e vite për t’u zhbërë.

Studimi fatkeq dhe i pasaktë dhe tashmë i tërhequr se vaksinat MMR shkaktojnë autizëm u botua në vitin 1998 nga Dr. Andrew Wakefield dhe 12 kolegë të tij në revistën prestigjioze mjekësore The Lancet. Ajo sugjeron që vaksina MMR mund të shkaktojë autizëm. Pavarësisht numrit të vogël të fëmijëve të përfshirë në këtë studim, gjithsej 12, për shkak të natyrës së tij spekulative, gazeta mori një publicitet të gjerë dhe përqindjet e vaksinimit me vaksinën MMR ranë, pasi prindërit e shqetësuar për rrezikun e autizmit refuzuan të vaksinojnë fëmijët e tyre.

Dr. Wakefield kreu abuzime etike.Ai kreu kërkime invazive mbi fëmijët që ishin pjesë e studimit pa leje etike, i keqinterpretoi të dhënat që merrte dhe fshehu se mënyra se si i përzgjodhi fëmijët ishte selektive. Episodi i fundit i këtij rasti ishte zbulimi se Dr. Wakefield ishte fajtor për mashtrim të qëllimshëm, se ai zgjodhi të dhëna që i përshtateshin atij, falsifikoi fakte. British Medical Journal ka publikuar një seri artikujsh që ekspozojnë mashtrimet e motivuara nga paratë.Për më tepër, 10 nga 12 bashkëautorët e studimit tërhoqën pretendimet dhe thanë se nuk kishte asnjë lidhje shkakësore midis vaksinës dhe autizmit sepse të dhënat ishin të pamjaftueshme. Lancet iu bashkua kësaj, duke pretenduar se Dr. Wakefield kishte interesa të dyshimta financiare në përgatitjen e studimit të diskutueshëm. Ai u financua nga avokatë të angazhuar në procese gjyqësore kundër kompanive të vaksinave.

Maqedonia ka një shembull të mirë të kohëve të fundit që konfirmon gjithashtu se nuk ka asnjë lidhje midis vaksinës MMR dhe autizmit. Përkatësisht, në 6 muajt e parë të vitit 2019, popullatës nën 14 vjeç në Maqedoni janë dhënë 41.600 doza vaksinë MMR.

Në këto 5 vitet e fundit, janë vaksinuar mbi 40 mijë fëmijë, nuk kemi parë shfaqjen e një sëmundjeje të tillë të shoqëruar. Ne jemi një vend i vogël dhe nëse diçka do të ndodhte, do të ishte zbuluar. Është një shembull i jashtëzakonshëm që vërtetoi në zonën tonë se vaksina është e sigurt. Kishim më shumë se 40 mijë familje që atëherë ishin të qetë sepse morën vendimin e duhur për të vaksinuar fëmijët e tyre. Falë kësaj, pesë vjet më vonë kemi një situatë të qetë dhe nuk është shfaqur asnjë epidemi e re e fruthit, tha Prof. dr. Aleksandra Grozdanova 

Vaksina MMR nuk ka asnjë efekt në zhvillimin kognitiv të fëmijëve, tregon një studim i grupit polak. Autoritetet shëndetësore në Mbretërinë e Bashkuar raportojnë se nuk ka asnjë lidhje midis vaksinës MMR dhe autizmit, të folurit të vonuar ose zhvillimit të trurit.

Vërtetmatësi ka mohuar vazhdimisht dezinformatat në lidhje me vaksinat e fëmijëve.

Për të gjitha faktet e mësipërme, ne e vlerësojmë postimin që po shqyrtojmë si të pavërtetë.