Anëtarësimi në BE, Spiropali: I mundur në 2030

Në një intervistë ekskluzive për Klan News, Kryetarja e Kuvendit Elisa Spiropali e ka veçuar datën 15 Tetor si një ditë historike me hapjen e negociatave për Shqipërinë në Bashkimin Europian.

Elisa Spiropali: 15 Tetori ishte një datë shumë e rëndësishme për Shqipërinë, për çeljen e negociatave për kapitujt e parë themeloret dhe është e rëndësishme që ne të vijojmë me konferencat e tjera ndërqeveritare, me kapitujt e tjerë dhe sigurisht kjo është një dallëndyshe e parë, por shumë e rëndësishme, një gurë themeli për rrugën tonë europiane.

-2030 është e mundur?

Elisa Spiropali: Absolutisht që është e mundur.

Spiropali e dha këtë deklaratë gjatë vizitës që kreu në Kolegjin e Europës në Tiranë. Në këtë kolegj studiojnë 32 studentë nga 22 kombësi të ndryshme.

Zyra e përfaqësimit të Kolegjit të Europës është hapur në Tiranë në vitin 2023 si një hap i rëndësishëm në rrugën drejt themelimit të kampusit të kryeqytetit shqiptarë, si një iniciativë e rëndësishëm që do të fuqizojë brezin e ardhshëm të liderëve dhe diplomatëve.

Klan News