Denoncuesi i OpenAI gjendet i vdekur

Suchir Balaji, një ish-inxhinier dhe sinjalizues i OpenAI i cili ndihmoi në trajnimin e sistemeve të inteligjencës artificiale pas ChatGPT dhe më vonë tha se besonte se ato praktika shkelnin ligjin e të drejtave të autorit, ka vdekur, sipas prindërve të tij dhe zyrtarëve të San Franciskos. Ai ishte 26 vjeç.

Balaji punoi në OpenAI për gati katër vjet përpara se të largohej në gusht, shkruan The Independent.

Ai u vlerësua mirë nga kolegët në kompaninë e San Franciskos, ku një bashkëthemelues këtë javë e quajti atë një nga kontribuuesit më të fortë të OpenAI, i cili ishte thelbësor për zhvillimin e disa prej produkteve të saj.

“Jemi të shkatërruar kur mësuam për këtë lajm tepër të trishtë dhe zemrat tona janë me të dashurit e Suchir gjatë kësaj kohe të vështirë”, thuhet në një deklaratë nga OpenAI.