Ganiu: Në të gjitha lagjet e Çairit po pastrohet bora në rrugët, trotuaret dhe shtigjet e këmbësorëve

Kreu i komunës së Çairit, Visar Ganiu thotë se autoritetet janë në terren dhe se po bëhet pastrimi i borës në të gjitha lagjet e Çairit, përcjell TV21. Ganiu thotë se puna do të vazhdojë deri sa të lirohen të gjitha rrugët.

“Ekipet tona po vazhdojnë me intensitet të plotë pastrimin e borës në rrugët, trotuaret dhe shtigjet e këmbësorëve, duke siguruar që të gjitha zonat të jenë plotësisht të qarkullueshme dhe të sigurta për qytetarët. Prioriteti ynë është krijimi i kushteve sa më të mira për lëvizjen e sigurt të këmbësorëve dhe automjeteve. Pastrimi po vijon në të gjitha lagjet e komunës dhe do të vazhdojë derisa të përfundojë tërësisht në çdo zonë ku nevojitet ndërhyrje. Përkushtimi ynë mbetet i vazhdueshëm për të siguruar që jeta e përditshme të mos pengohet nga kushtet dimërore”, ka shkruar Ganiu.