Haradinaj: Luani më tregonte për Zahirin se sa trim ishte

Kryetari i Aleancës për Ardhmërinë e Kosovës, Ramush Haradinaj bëri homazhe në kompleksin memorial kushtuar heroit të kombit Zahir Pajaziti.

I shoqëruar nga bashkëpunëtorë dhe bashkëluftëtarë të heroit Zahir Pajaziti, Haradinaj theksoi se Zahir Pajaziti  ishte ndër luftëtarët e parë të UÇK-së, udhëheqës e frymëzues për shumë bashkëluftëtarë.

“Luani më tregonte për Zahirin se sa trim ishte. Ai ishte ndër luftëtarët e parë të UÇK-së, udhëheqës e frymëzues për shumë bashkëluftëtarë”, ka shkruar Haradinaj në Facebook.

Tutje ai ka thenw se ka mbyllur ditën në kompleksin memorial kushtuar heroit të kombit Zahir Pajaziti dhe bashkëluftëtarëve të tij ku i kujtuan e nderuan trimërinë, guximin dhe sakrificën e tyre.

“Lavdia e tij do të jetojë përjetë e mot!”, ka shkruar Haradinaj.