Kacarska: Kam duruar kërcënime me vite, por mandatin e përfundoj me ndjenjën e përmbushjes, drejtësia do të jetë gjithmonë e domosdoshme
Prej disa vitesh kam marrë kërcënime. Nuk kalon asnjë javë pa kërcënim. Jam sulmuar edhe fizikisht. Por nuk kam raportuar kurrë më parë sepse kam menduar se këto janë raste të izoluara. Nuk doja të ngarkoja publikun apo forcat e rendit, transmeton Portalb.mk. Kështu deklaroi kryetarja e Gjykatës Kushtetuese, Dobrila Kacarska, në një konferencë për […]
Prej disa vitesh kam marrë kërcënime. Nuk kalon asnjë javë pa kërcënim. Jam sulmuar edhe fizikisht. Por nuk kam raportuar kurrë më parë sepse kam menduar se këto janë raste të izoluara. Nuk doja të ngarkoja publikun apo forcat e rendit, transmeton Portalb.mk.
Kështu deklaroi kryetarja e Gjykatës Kushtetuese, Dobrila Kacarska, në një konferencë për media sot, ku prezantoi disa nga aktivitetet gjatë mandatit të saj trevjeçar, duke iu përgjigjur pyetjeve të gazetarëve nëse ka lidhje me kërcënimet që u bënë drejtuar asaj në periudhën e kaluar.
“Por kërcënimet u bënë më të shpeshta. Ato ndodhin çdo të dytën ose të tretën ditë. Dhe më në fund vendosa të denoncoj. Nëse këto kërcënime do të vazhdojnë apo jo, nuk mund t’ju them paraprakisht. Për atë që u raportua si ngjarja e parë, nuk kam asnjë informacion. Sa i përket atij që më kërcënoi personalisht, ai u ndalua në stacion. Nuk mund të përgjigjem se deri ku është procedura dhe çfarë do të ndodhë më pas”, tha ajo.
Kryetarja e Gjykatës Kushtetuese, Dobrila Kacarska, dy javë më parë gjeti një krevat të improvizuar dhe një thikë kuzhine të ngulur pranë garazhit të saj, ku parkonte automjetin e saj privat. Ajo ka marrë edhe kërcënime në rrjetet sociale për të cilat thotë se nuk ka reaguar deri në incidentin në garazhin e saj.
