Mickoski nuk e konfirmoi qëndrimin e Mexhitit se Artan Grubi është në Shqipëri

Njeriu i parë i Qeverisë, Hritijan Mickoski sot refuzoi t’i konfirmoj informatat publikisht të theksuara nga njëri nga zëvendësit e tij Izet Mexhiti se funksionari i lartë i mëparshëm partiak dhe qeveritar Artan Grubi për momentin është në arrati në Shqipëri, e jo në Kosovë, njofton Portalb.mk. Në pyetjen e drejtpërdrejt për koment, pas deklaratës […]

dhjetor 22, 2024 - 20:00

0 3

Mickoski nuk e konfirmoi qëndrimin e Mexhitit se Artan Grubi është në Shqipëri

Hristijan Mickoski. Foto: Qeveria e RMV-së

Njeriu i parë i Qeverisë, Hritijan Mickoski sot refuzoi t’i konfirmoj informatat publikisht të theksuara nga njëri nga zëvendësit e tij Izet Mexhiti se funksionari i lartë i mëparshëm partiak dhe qeveritar Artan Grubi për momentin është në arrati në Shqipëri, e jo në Kosovë, njofton Portalb.mk.

Në pyetjen e drejtpërdrejt për koment, pas deklaratës së djeshme të Mexhitit për lokacionin e Grubit, kryeministri deklaroi: “Të ndryshme janë informatat. Nuk do të spekuloja tani se nëse është në Shqipëri, nëse është në Kosovë. Është fakt se nuk ka qenë i pastër si loti për shkak se nëse do të kishte qenë i pastër si loti nuk ka pasur nevojë që të jetë në arrati nga drejtësia, por do të vijë këtu dhe do ta mbrojë pafajësinë e tij”, deklaroi Mickoski.

Pas akuzave nga LSDM-ja se VMRO-DPMNE-ja e kanë lëshuar Artan Grubin të ikë dhe qëndrimin e BDI-së se ai më nuk është anëtar i tyre, Mickoski nuk u përjgjigj drejtpërdrejt. Ai iu përgjigj me kundër-akuzë.

“Mendoj se mesazhet e të dyja palëve që po i dërgojnë në opinion nuk janë mesazhe të cilat janë në drejtim të luftës vendimtare kundër krimit dhe korrupsionit. Ne për këtë alarmuam shumë herë në të kaluarën. Ky koalicioni i cili funksiononte ishte me të vërtetë mbrojtës. Jo vetëm të kriminelëve politike, por edhe të kriminelëve të vërtetë”, deklaroi Mickoski.

Si dëshmi për përkushtimin nëluftën kundër krimit të organizuar dhe korrupsionit të qeverisë aktuale, Mickoski e përmendi aksionin e SPB Shkup dhe Byronë për Sigurinë Publike kundër grupit kriminel “Bellanoca-Baron”. Theksoi se gjatë qeverisë së kaluar, grupet e këtilla kanë qenë të pakapshme. Ndërsa paralajmëroi edhe në struktura të këtilla të tjera.

Ish-zëvendëskryeministri Artan Grubi dhe ish-drejtori i SHA “Lotaria Shtetërore” Përparim Bajrami akuzohen se kanë dëmtuar buxhetin e Lotarisë me mbi 501 milionë denarë.

Kronologji për rastin ‘Lotaria Shtetërore’

Më 21 dhjetor zëvendëskryeministri Izet Mexhiti për Ora News deklaroi se Artan Grubi ndodhet në Shqipëri, e jo në Kosovë

Më 20 nëntor u pezullua nga puna polici i cili mundësoi arratisjen e Artan Grubit.

Më 20 dhjetor avokati i Grubit Vlladimir Donevski tha se nuk ka bazë për dyshim të kryerjes së veprës penale të parashikuar me ligj.

Më 18 dhjetor konsulli i nderit i Kosovës në vend, Arsim Papraniku u mor në pyetje në polici për shkak të dyshimeve se e ndihmoi Grubin të arratiset.

Më 18 dhjetor 2024 Ministria e Punëve të Brendshme lëshoi fletarrest ndërkombëtar për Artan Grubin dhe ish-drejtorin e ‘Lotarisë Shtetërore” Përparim Bajamin.

Më 17 dhjetor 2024 Prokuroria Themelore Publike në Shkup kërkoi fletarrestim ndërkombëtar për Artan Grubin dhe Përparim Bajramin.

Më 17 dhjetor 2024 Gjykata Themelore Penale Shkup u caktoi paraburgim prej 30 ditëve Artan Grubit dhe Përparim Bajramit.

Më 17 dhjetor 2024 Ministria e Punëve të Brendshme dorëzoi kallëzime penale në Prokurorinë Publike kundër ish-kryeministrit Dimitar Kovaçevski, ish-zëvendëskryeministrit Artan Grubi, ish-sekretarit të përgjithshëm të Qeverisë, Metodija Dimovski dhe ish-drejtorit të Lotarisë së RMV-së Përparim Bajrami dhe pesë personave të tjerë për “keqpërdorim të pozitës dhe autoritetit zyrtar”, “marrje e ryshfetit” dhe “keqpërdorimi i procedurës së shpalljes publike, dhënies së kontratës së prokurimit publik ose partneritetit publiko-privat”.

Më 16 dhjetor 2024 Prokuroria Publike në Shkup propozoi paraburgim për Artan Grubin dhe Përparim Bajramin si të dyshuar për rastin ‘Lotaria Shtetërore’.

Më 16 dhjetor 2024 Policia e RMV-së bastisi shtëpinë e Artan Grubit dhe Përparim Bajramit pas dyshimeve për krim të organizuat në Lotarinë Shtetërore. Asnjëri nga ata nuk u gjetën në shtëpitë e tyre

Më 16 dhjetor 2024 Prokuroria Publike njoftoi se dy persona dyshohen për veprën penale – Përvetësim në detyrë, ndërsa katër persona të tjerë për veprën penale – Keqpërdorim i pozitës dhe autoritetit zyrtar

Më 16 dhjetor 2024 Policia Financiare ka paraqitur kallëzim penal kundër Përparim Bajramit, në cilësinë e drejtorit të përgjithshëm të Shoqërisë Aksionare për Organizimin e Lojërave të Fatit të Lotarisë Shtetërore të Republikës së Maqedonisë së Veriut, për shkak të “ekzistimit të dyshimit të bazuar për kryerjen e veprës penale të keqpërdorimit të pozitës dhe autoritetit zyrtar”,

Ndryshe, më 10 dhjetor 2024 Prokuroria Publike hapi lëndë ndaj Artan Grubit pasi ai u fut në Listën e Zezë të SHBA-ve për korrupsion. Artan Grubi, së fundmi, është tërhequr nga jeta publike, pas shpalljes së emrit të tij në Listën e Zezë amerikane. Me këtë rast, në njoftimin zyrtar të Departamentit të Shtetit Amerikan thuhet se Artan Grubi bashkë me gjykatësin e Gjykatës së Apelit, Enver Bexheti janë të përfshirë në korrupsion në procesin gjyqësor të Sasho Mijallkovit, ish-drejtorit të Drejtorisë për Siguri dhe Kundërzbulim në Maqedoninë e Veriut, i cili gjithashtu është në Listën e Zezë.