Milani dërgon avion në orën e fundit – garë me sekonda për firmën me super lojtarin

Saga e transferimit të mbrojtësit të majtë Archie Brown ka hyrë në fazën më të nxehtë, me AC Milan dhe Fenerbahçen që po garojnë deri në minutën e fundit për firmën e yllit të Gent.

Të dy klubet kanë arritur një marrëveshje me skuadrën belge për një shumë prej 8 milionë euro, por tashmë gjithçka varet nga vetë lojtari, i cili gjendet aktualisht në Bruksel.

Në një kthesë dramatike të zhvillimeve të së premtes në mbrëmje, të dy skuadrat kanë dërguar avionë privatë për të bindur lojtarin që të udhëtojë drejt destinacionit të tyre.

Fillimisht, u raportua se Brown ishte rrugës për në Stamboll, me mediat belge që paralajmëruan se negociatat me Fenerbahçen do të mbylleshin këtë fundjavë. Por sipas gazetarit të njohur Fabrizio Romano, Milani nuk është dorëzuar. “Milani ka dërguar një avion privat për Archie Brown në aeroportin e Brukselit, në përpjekje për të finalizuar kushtet personale me lojtarin,” shkroi ai në një përditësim ekskluziv, transmeton ORAinfo.

Edhe gazetari italian Matteo Moretto konfirmoi zhvillimin, duke theksuar se: “Archie Brown gjithmonë i ka dhënë përparësi një transferimi te Rossonerët. Janë orë vendimtare për të ardhmen e tij.”

Lëvizja e Milanit tregon vendosmërinë e klubit për të siguruar shërbimet e mbrojtësit 22-vjeçar, i cili ka shkëlqyer me Gent në sezonin e fundit. Pavarësisht interesimit serioz nga Turqia, preferenca personale e lojtarit mund të bëjë diferencën.

Në këtë moment, Archie Brown ka dy opsione përpara – dhe dy avionë që e presin. Njëri e çon drejt “San Siros”, tjetri drejt “Sukru Saracoglu”. Tani gjithçka varet nga vendimi i tij. /ORAinfo/