Nesër moti për ‘lezet’ në Kosovë, temperaturat shkojnë në 34 gradë

Gjatë ditës së diel në Kosovë parashihet të mbajë mot me diell, me temperatura deri në 34 gradë Celsius.

Sipas Institutit Hidrometeorologjik të Kosovës, po ashtu parashikohet të ketë vranësira, transmeton Klankosova.tv.

“Të dielën parashihet të mbajë mot me diell dhe pjesërisht i vranët. Temperaturat minimale do të lëvizin ndërmjet 15-17 gradë Celsius, ndërsa maksimalet e ditës parashihen të lëvizin ndërmjet 27-34 gradë Celsius. Do të fryjë erë nga veriperëndimi me shpejtësi 1-3m/s”, thuhet në njoftimin e IHMK-së.

Indeksi UV do të jetë i lartë, prandaj këshillohet respektimi i udhëzimeve të Institutit Kombëtar të Shëndetit Publik .