Nesër në Shkup do të ketë kufizime në një pjesë të komunikacionit

Policia e Maqedonisë së Veriut ka njoftuar se një pjesë e komunikacionit në Shkup nesër do të ketë kufizime për shkak protestave të paralajmëruar, transmeton Portalb.mk.

“SPB Shkup i njofton qytetarët se nesër (29.03.2025) me fillim nga ora 11:00, për shkak mbajtjes së protestave para Kuvendit të Maqedonisë së Veriut, Njësia për siguri të komunikacion do të marrë masa për regjim të posaçëm në komunikacion”, raportoi Policia e Maqedonisë së Veriut.

Masat kufizuese do të jenë në pjesën qendrore të qytetit të Shkupit, për çka kërkohet respektim i urdhrave të punonjësve policor në komunikacion.