Nuk ndalen ofendimet brenda BBVA: ‘Komplet familjen atij’ – Jozi shan rëndë Gjestin

Atmosfera brenda shtëpisë së BBVA po bëhet gjithnjë e më e tensionuar, me ofendime që po kapërcejnë çdo kufi.

Në një moment të fundit, Jozi ka shpërthyer me një fjalor të ashpër ndaj Gjestit, duke diskutuar me Gertin dhe duke thënë: “E di kabilja çka është, komplet kabiljen atij”.

Kjo deklaratë ka nxitur reagime të shumta nga shikuesit dhe ka shtuar më tej tensionet mes banorëve. Gjesti, i cili shpesh është bërë cak i kritikave dhe ofendimeve, duket se po përballet me një presion të madh emocional.

Nuk është hera e parë që ai gjendet në qendër të sulmeve verbale. Më herët, Gjesti ishte shënjestruar me fyerje të rënda nga Xumi, një tjetër banor i shtëpisë, i cili përdori një fjalor të papranueshëm duke përfshirë sharje me motër. Xumi la shtëpinë gjatë prime-it të fundit, por duket se konfliktet nuk kanë përfunduar me largimin e tij.

Këto momente dramatike kanë nxitur diskutime të zjarrta mes fansave të spektaklit, të cilët ndahen mes kritikave për banorët dhe mbështetjes për ata që janë viktima të situatave të tilla.

Sjellja dhe tensionet brenda shtëpisë po vendosin në pikëpyetje jo vetëm dinamikën mes banorëve, por edhe etikën e spektaklit si një platformë argëtimi.